野川拉麵の深燒食堂

营业中

休息中

今日放假入咗元朗探朋友, 而家入元朗真係好方便西鐵一陣就到,差唔多食晏時間,朋友就帶咗我去食拉麵,估唔到真係有驚喜。野川拉麵之深燒食堂,餐廳環境非常闊落,裝修整潔,有格調。照燒雞扒拉麵 58元拉麵湯底濃郁,雞扒肉質嫩滑,一隻溏心蛋,拉麵口感剛剛好,唔會太腍。自家製豬軟骨拉麵70元豬軟骨煮到好軟淋,入口肉質非常嫩滑,配上豬骨湯底味道好有層次。三文魚刺身 60元三文魚刺身夠厚,食落去好有口感。甜蝦刺身 30元甜蝦size好大隻,味道鮮甜。油甘魚刺身 38元油甘魚魚味香濃,有油花香味食落去特別鮮甜。鮮帶子刺身76元帶子刺身份量好多,入口爽甜一食就知道好新鮮。芝麻雞翼 28元雞翼煎同金黃色,雞皮脆卜卜,入面嘅雞肉仲係好juicy好嫩滑。椒鹽雞軟骨 48元雞軟骨咬落去卜卜脆用嚟送啤酒真係一流。芝士年糕 20元芝士年糕食落去煙煙韌韌,入面嘅芝士仲有拉絲效果,口感同味道都做得好出色。