火五越式牛肉粉專門店 (其昌樓)

营业中

休息中

每次經過佐敦這間火五越式牛肉專門店，一直都想試，今日終於有時間試下，嚟到呢度當然要試吓佢哋嘅招牌火五火車頭牛肉粉及小食！火五火車頭牛肉粉有生牛肉、熟牛肉、和牛牛丸及扎肉，生牛肉色澤粉嫩，入口嫩滑，熟牛肉牛味香濃，扎肉爽口，最鍾意食佢哋嘅和牛牛丸，咬開有瀑汁口感，超爽口彈牙！越式花膠老火雞湯河湯底會比較清甜，花膠有手掌般大隻，黏黏地幾爽口，湯河分量十足食完好飽肚👍越式炸春卷一碟有三條長長的春卷，碟旁邊還有生菜及蘿蔔絲可以包住一齊食，再沾上酸甜汁更加好味😋凍鹹檸梳打飲落不會太甜，酸酸地好開胃！枱旁邊亦有自家製嘅拉差辣椒醬/辣椒海鮮醬、XO醬，自行調配適合自己嘅口味湯底😋