影片
营业时间
今日营业
10:00 - 23:30
星期一至日
10:00 - 23:30
以上资料只供参考，请与餐厅确认详情
食家推介
相关文章
大西北人已经外卖自取几次返屋企同屋企人一齐食, 认真系我成家人嘅爱店, 不过感觉无咩人帮衬, 所以特登写个评论。🙏♥️食物如题, 请大家嗌捞檬。♥️（其实除咗捞檬无点嗌过其他, 净系食过一次火车头河粉, 不过个人感觉普通😅）。但系捞檬真好食, 佢哋个汁系重点, 够味同难得够酸（成家食惯我婆婆整嘅捞檬, 我个人又偏好酸味, 所以对捞檬汁嘅酸味有D要求）。我由细到大喺出面都无试过食到咁有酸味捞檬（当然同我婆婆整嘅仲差少少, 不过对比起我以往出街食过嘅捞檬, 呢间店已经可以有~9分🥹）。其他𩠌应该正正常常, 不过加埋𠮶捞檬汁就超开胃好食。🤤总之希望大家多多支持小店，而且外卖自取仲有折, 抵试抵食㗎🫶。（btw佢好近佐敦西铁站出口, 所以几方便）
继续阅读
今次试咗生牛肉河粉，整体感觉普普通通，汤底味道偏淡，牛骨香气唔够突出，生牛肉片切得过薄，浸落热汤度转眼就熟晒，失去咗生牛肉应有嘅粉嫩口感店员服务态度友善，上菜速度都几快。另外加咗份炸鸡翼，炸得金黄香脆，咬落去肉质都算juicy，系全餐比较好嘅部分。 以呢个价位嚟讲，食物质素算系合理，但未至于会令人想回头再试。不过如果当快餐得闲食吓都OK，因为见佢都人来人往，始终系𠮶条街平民嘅嘢唔多，有时想食碗面呢间算系一个选择
继续阅读
每次嚟佐敦道必食嘅一间越式料理，肉足粉多，今次食咗捞檬，汁都好香，檬粉软硬适中，有弹性唔会太软，而且店内提供配料可以问职员攞，我自己就叫咗青柠，同埋都有水、纸巾𠮶啲免费提供。价钱正常而且服务质素同食物质素都好好，每次食完都会好想再嚟食下次🍴我自己就系学生，每次补习完得闲就嚟食，希望更加多人可以发现到呢间餐厅！真系一间良心好食嘅餐厅😭👍🏻都可以试吓佢啲河粉都好好味！！希望我嘅好评可以令佢多啲生意😭
继续阅读
下午茶两点到六点， 饮品可以在餐牌里面任选一杯 。其实真系几抵 👍我今日食咗生牛肉河，河粉ok，牛肉合格， 汤底系冇鲜味嘅， 医肚就一流。 见佢平平地， 又近自己 ，下次会试第二款。
继续阅读
之前喺太子嘅时候已经尝试呢间舖，但系佢个位置实在太吊脚，所以都会搬咗舖都系未试过。又探完病喺佐敦，又唔知食咩好，简简单单食粉就谂起佢。屋企人买咗两个生熟牛肉，同埋一个香茅猪扒饭，我就自己嗌咗一个一人餐生熟牛肉汤檬加份虾饼，同埋有杯白桃梳打，梳打有啲桃肉唔系椰果几好。屋企有碗汤河𠮶度偷咗个熟牛肉食，其实系啲牛肋条切粒，不过都几冧嘅有牛味。跟住又攞住屋企人一块香茅猪扒食都几香，虽然薄身唔会太干。我个生牛肉汤就正常发挥，个汤头唔会太甜，个份量都几大碗。另外个虾饼就唔觉有虾肉不过唔使$100一人餐，个质素完全可以接受，都好过一啲泰国餐厅嘅质素。不过始终冇食过之前旧铺，所以冇比较冇伤害。事次用餐为自费。
继续阅读