影片
更多
2025-05-28
807 浏览
《八合里牛肉火鍋 - 沙田》成日聽人哋返大陸食潮汕牛肉火鍋好正，牛魔王既我其實成日都心心念念好想知道係咪真係咁吸引，不過唔講唔知，原來八合里已經喺沙田新城市呢一邊進駐咗首間分店，之後就唔使咁麻煩要過關去潮汕先食到正宗嘅潮汕牛肉火鍋啦🤗品牌喺國內主推由養牛到非遺牛肉火鍋都係一手包辦，而香港呢邊就係由香港五豐行鮮肉供應牛肉，亦都係香港首間使用活牛進口，即日屠宰加工後再新鮮送到店內使用當日去到餐廳就已經俾佢既裝修吸引到，周圍都見到品牌既Slogan同埋品牌意念既banner，不過呢個都唔係重點，我覺得餐廳最吸睛既地方一定就要數果個切肉既櫥窗同埋個醬料自助吧，可以睇住店員切肉同擺盤，其實都幾壯觀嫁，另外個醬料自助吧都有多過十款調味料提供，店員介紹佢地出人氣既沙茶醬啦，味道甜甜地又好香花生味，用黎點牛肉就最夾啦，我地兩個人一共點左８樣野配埋個原味既牛骨湯底，勁滿足呀＊至尊鮮肉拼盤由於ｄ肉既部位有太多選擇啦，我同車車都唔知食邊款好，所以我地最後都係要左個咩都有既鮮肉拼盤，入面有齊港人最愛既四個部位（吊龍伴、花趾肉、匙肉同匙柄），份量都唔少嫁，而拼盤每個部位既口感同埋肉質都好唔同，我個人就最喜歡比較
成日聽人哋返大陸食潮汕牛肉火鍋好正，牛魔王既我其實成日都心心念念好想知道係咪真係咁吸引，不過唔講唔知，原來八合里已經喺沙田新城市呢一邊進駐咗首間分店，之後就唔使咁麻煩要過關去潮汕先食到正宗嘅潮汕牛肉火鍋啦🤗品牌喺國內主推由養牛到非遺牛肉火鍋都係一手包辦，而香港呢邊就係由香港五豐行鮮肉供應牛肉，亦都係香港首間使用活牛進口，即日屠宰加工後再新鮮送到店內使用
當日去到餐廳就已經俾佢既裝修吸引到，周圍都見到品牌既Slogan同埋品牌意念既banner，不過呢個都唔係重點，我覺得餐廳最吸睛既地方一定就要數果個切肉既櫥窗同埋個醬料自助吧，可以睇住店員切肉同擺盤，其實都幾壯觀嫁，另外個醬料自助吧都有多過十款調味料提供，店員介紹佢地出人氣既沙茶醬啦，味道甜甜地又好香花生味，用黎點牛肉就最夾啦，我地兩個人一共點左８樣野配埋個原味既牛骨湯底，勁滿足呀
＊至尊鮮肉拼盤
由於ｄ肉既部位有太多選擇啦，我同車車都唔知食邊款好，所以我地最後都係要左個咩都有既鮮肉拼盤，入面有齊港人最愛既四個部位（吊龍伴、花趾肉、匙肉同匙柄），份量都唔少嫁，而拼盤每個部位既口感同埋肉質都好唔同，我個人就最喜歡比較軟林林但重肉味既吊龍伴同埋有咬口既匙柄＊鮮切肥牛
肥牛既肉質都係比較軟身的，一睇就知ｄ肉夠曬新鮮，因為鮮肉仲可以維持到肉既黏性，成盤肉反轉ｄ肉都唔會跌落黎嫁，每片肉煮十秒左右就食得＊手打牛丸雙拼
牛丸拼盤分別有牛肉丸同牛筋丸各３粒，牛筋丸就相對會多ｄ口感同埋較爽口，肉汁比起牛肉丸多d，點沙茶醬勁好味＊特色菌菇拼盤
菌菇拼盤一共有4款菇，包括冬菇、銀耳、金菇同埋黑樅茸菌，３個人食都盡對夠食,建議放萵湯底度等佢地煮透同埋吸曬D湯汁再食就夠曬鮮味啦，個湯都係因為咁而充滿菇菌香＊潮汕純米粿條
食到最尾就可以落埋個米粿條落湯煮啦，其實就即係我地平日食既米粉咁，吸左湯之泉後都仲食到米香味，基本上淥一分鐘就食得，太耐就會散曬嫁啦
＊潮汕四色水晶粿
我當日地仲叫左個平日好少食到既潮汕四色水晶粿，個皮煙煙韌韌幾得意，餡係有兩個係咸的，兩個係甜的，分別係紫薯、芋泥、素粿同肉粿，個人比較喜歡咸既口味，比賽開胃D＊爆打鴨屎香檸檬茶
打邊爐就梗係要配凍飲，呢杯檸檬茶夠曬大杯又解渴，味道唔會過甜同埋飲到粒粒檸檬肉＊潤肺小吊梨
最後既甜品就叫左個中式既燉品，打邊爐都相對較熱氣，食埋個燉梨個喉嚨都會舒服好多，入面都有好多滋潤既食材，好似紅棗、南北杏等，食得出真材實料
张贴
