水門雞飯 (萬勤商業大廈)

营业中

休息中

一路都唔係話十分好海南雞，因為香港食到既海南雞質素都好參差，有時又係新加坡做法，有時又海南咁。直到兩年前去泰國食到當地既水門雞飯之後就念念不忘。結果香港終於開左間泰國既水門雞飯真係好感動！唔使下下去泰國先食到。黎到門口排長龍，不過好彩都好快就有位，佢同泰國唔同之處係佢仲有生蝦食，我地叫左水門雞飯+炒通菜+生蝦同野飲。最快到既居然係雞飯先，飯既份量比泰國多，一碟都夠飽，個汁同泰國食既有8 9成似，不過雞就唔係話十分滑但都ok ge。個湯係果隻味呀！我形容佢為胡椒豬肚湯咁既味，好好飲！生蝦都幾辣下喎，佢仲配埋苦瓜。不過6隻成舊水係貴左d....通菜炒得好乾爽，唔會話林晒同埋仲好綠，味道唔錯。價錢當然同泰國無得比，但香港黎計都算可以既，兩人埋單3百。