方叔叔重慶老火鍋 (新城市廣場一期)

营业中

休息中

話說呢期天氣開始凍 想食d可以一邊熱住一邊食嘅野 咁第一樣諗到嘅野就一定係打邊爐啦 喺疫情底下好耐都無返過大陸食正宗嘅火鍋係機緣巧合下聽到朋友介紹係沙田有間火鍋店叫方叔叔嘅 去到沙田三樓諗住答lift就見到有塊好大嘅廣告牌 十分方便嘅係部lift可以直接上七樓嘅店面。入到去餐廳入邊店員會親切咁問你需唔需要推介舖頭嘅野食仲好體貼咁幫顧客斟茶 仲有碗滋潤腸胃嘅雪耳糖水Tim!食物方面我叫左少少方叔叔推薦菜 黎到打邊爐咁梗係要食翻d牛啦 個人比較唔係咁鐘意食肥牛果d嘅 但係方叔叔嘅牛小排真係比到驚喜我 肥得黎又唔膩 仲比出面其他舖頭更香最今我驚喜嘅係佢地嘅嫩牛肉 嫩就一定不在話下架啦 佢仲好重牛味同好多肉汁！仲有一樣一定要推介比你地嘅係佢地嘅蝦滑！不但好鮮甜 仲好彈牙好有咬口 相信佢地用嘅應該係新鮮嘅蝦再用手打出黎！另外好體貼嘅係佢地嘅餐紙上面仲有推薦菜嘅野食分另係煮幾分鐘 枱嘅旁邊仲會有個計時器比食客配合使用 除左推薦菜以外都會有唔少菜會有插有煮食時間嘅旗仔去提示食客要煮幾耐 本人嘅腸胃本身就唔係太好 但係食完呢間火鍋之後我並冇肚屙 相信佢地個煮食時間把控得幾好！食完出翻門口見到有部除味機