烤魚工房 (登打士廣場)

营业中

休息中

香港人常常稱讚大陸烤魚超正，朋友介紹旺角烤魚工房可以媲美深圳探魚的烤魚 ，用料新鮮，口味驚艷，今晚就同阿女過嚟試吓。餐廳地方簡潔乾淨，座位舒適。門口長期有客排隊等位，可見真係好受歡迎！烤魚：三選一揀咗江團魚，烤魚亦有多種味道選擇，揀咗鹹蛋蒜香酸菜味，烤魚大大盤上檯，用火熱住食，呢款味是不辣的，鹹香中帶蒜蓉味，十分足料，不吃辣的朋友都不防一試其滋味。江團魚特點就是肉質嫩滑，多肉少骨，魚肉吸收濃郁湯汁，十分惹味！除咗烤魚重有串燒，可以揀辣度。烤茄子，剛烤好的茄子外皮焦脆，瓜肉吸收醬汁後，夾雜着蒜蓉的獨特香味軟糯味濃。烤雞中翼皮脆肉嫩，香草和孜然粉味香濃。鐵板包漿豆腐，豆腐煎成外脆內軟，放上鐵板上檯，上面還灑上香蒜，菜甫及蔥粒，食落香脆惹味！蔥油拌麵有蔥香的味道加上厚實粗麵，口感風味十足。串烤小饅頭，外層燒到脆卜卜，有少少 焦香，點些煉奶無論口感和味道都是一流。至尊水果茶大大杯，色彩繽紛打卡一流，食落百香果味好濃，入面有好多水果 ，絕對是健康又好味的飲品。