烤魚工房 (登打士廣場)

咸蛋蒜香酸菜味烤鱼，鱼皮焦香酥脆，鱼肉鲜嫩入味，配菜吸饱了汤汁，串烧鸡肉，牛肉，猪肉，掩料入味，肉质丰厚多汁，烤茄子蒜香味香浓，特别是皮脆，水果茶，水果味浓郁，啖啖丰有百香果鲜味。…Read More

今晚专登去咗旺角呢间人气烤鱼工房，果然名不虚传！拣咗招牌麻辣烤鱼，一上枱香气扑鼻，内里肉质却保持鲜嫩滑溜，完全冇腥味。麻辣汤底层次丰富，麻而不呛，辣得过瘾！仲加咗牛肉做配料，索尽汤汁精华，非常入味。环境充满江湖气息，坐得舒服，服务员态度殷勤，会主动加汤。价钱合理，绝对会encore！」旺角烤鱼工房嘅烤鱼真系无得顶！鱼肉鲜嫩多汁，麻辣汤底香浓惹味，配料丰富又入味。环境热闹，服务快手，系同朋友聚餐嘅好地方！极力推荐！…Read More

哇 呢间店真系不得了 出边冇人招呼啦 之后入到去 唔系好多人嘅 好多位置啦 但系明明啱啱开始俾我哋坐好𠮶个台 一阵间有一个男仔过嚟话 呢啲订咗枱嘅 唔俾坐 带我哋去返好窄好小的位 咁都算啦 之后冇人招呼又唔攞返啲餐牌俾我哋 真系嘥气…Read More

最近同朋友去咗一间主打烤鱼同串烧嘅餐厅，整体体验非常满意，食物够味又有惊喜，环境都好啱聚餐，以下系我哋试过嘅几款推介菜式：鲜青椒味烤鱼（江团鱼）必点之选！青椒加藤椒嘅香气非常突出，麻味浓郁但唔会太刺激，辣度仲可以自选，今次拣咗小辣，谭仔10小辣等级嘅朋友都应该可以接受。鱼肉选用江团鱼，细骨唔多，肉质嫩滑又够入味，真系食到停唔到口！串烧组合（48串）串烧种类超多，配搭孜然粉香气十足，烧得啱啱好，唔会干。同朋友一齐share最啱，边倾计边食串烧，气氛一流！铁板包浆豆腐豆腐滑溜溜，热辣辣上枱，面头铺满蒜蓉，烧烤香味扑鼻而来，口感同味道都好有层次，系我哋一致好评嘅菜式之一。芥末鱼皮爽脆口感一流，芥末味够但唔会攻鼻，作为前菜非常开胃，食完仲想encore！至尊水果特饮大大杯又足料，入面有西瓜、橙、奇异果、柠檬等多款水果，酸甜清新，最啱用嚟解辣解腻，饮完超舒服！环境方面冷气够冻，座位宽敞，仲有好多卡位，坐得舒服又有私隐感，非常适合三五知己聚餐，倾计食嘢都好自在。总结：无论系烤鱼、串烧、豆腐定特饮，每款都各有特色，味道出色，环境又舒服，绝对系值得再访嘅餐厅！下次想食辣又想聚餐，不妨考虑呢度～🔥…Read More

行经过登打士街，下午时分冇乜人，试吓呢一间咁多人赞好嘅烤鱼工房。侍应服务好好，好可惜条烤鱼一上嘅时候，叫我哋等几分钟等到滚为止先至食，已经心知不妙，全盘鱼都系冻嘅，条鱼根本唔系条鱼根本唔系新鲜烤完先至上枱，而系响雪柜拎出嚟㗎。根本全部都系预制菜，一啲鱼味都冇。只系用大量嘅花椒去掩盖唔新鲜嘅味道！唔会再有下次，亦都唔会再去呢间！…Read More