影片
更多
2020-02-03
2086 浏览
自從舊年去過越南，一直對美味嘅越南包念念不忘，當知道大角咀有間 Bahn Mi 專門店後，就立即趁到附近工作嘅機會走去試一試。小店 12：15 開門，我未夠 12：30 去到已經 full house，門外仲有唔少等緊買外賣嘅人，好誇張😮。推門入去，老闆即刻話最少要等半個鐘，好彩唔趕時間，等咪等囉🤗。呢度嘅越南包可以 order 半份或者全份，入面嘅餡料包括：扎肉，烤肉，甘筍，蘿蔔，肝醬，蛋黃醬，青蔥，芫茜，辣椒同豬肉鬆，係最正宗嘅越南包風味。我仲想試下佢嘅蔬菜同埋湯，所以叫咗半份。個包一咬落去就覺得非常正，麵包夠脆，餡料夠多，調味適中，係我食過喺香港暫時最好食嘅越南包😍。是日供應嘅係蘑菇湯，蘑菇味既新鮮又濃郁，而且可能加咗唔少 cream 或鮮奶，口感細滑，非常高質👍。蔬菜我揀咗秋葵同西蘭花，兩者都係先烚熟然後再加上芝麻，蝦米仔，蒜，醋等調味，既清新又唔會乾噌噌淡茂茂，好食😙。除咗食物質素之外，小店仲有幾樣嘢令我覺得非常窩心，第一就係有萬樂珠放喺度畀人食，仲有越南帽擺喺度畀人試戴；另外，放水嘅地方有一句我好鍾意嘅梵高嘅 quote "What is done in love is d
小店 12：15 開門，我未夠 12：30 去到已經 full house，門外仲有唔少等緊買外賣嘅人，好誇張😮。推門入去，老闆即刻話最少要等半個鐘，好彩唔趕時間，等咪等囉🤗。
呢度嘅越南包可以 order 半份或者全份，入面嘅餡料包括：扎肉，烤肉，甘筍，蘿蔔，肝醬，蛋黃醬，青蔥，芫茜，辣椒同豬肉鬆，係最正宗嘅越南包風味。我仲想試下佢嘅蔬菜同埋湯，所以叫咗半份。個包一咬落去就覺得非常正，麵包夠脆，餡料夠多，調味適中，係我食過喺香港暫時最好食嘅越南包😍。
是日供應嘅係蘑菇湯，蘑菇味既新鮮又濃郁，而且可能加咗唔少 cream 或鮮奶，口感細滑，非常高質👍。蔬菜我揀咗秋葵同西蘭花，兩者都係先烚熟然後再加上芝麻，蝦米仔，蒜，醋等調味，既清新又唔會乾噌噌淡茂茂，好食😙。
除咗食物質素之外，小店仲有幾樣嘢令我覺得非常窩心，第一就係有萬樂珠放喺度畀人食，仲有越南帽擺喺度畀人試戴；另外，放水嘅地方有一句我好鍾意嘅梵高嘅 quote "What is done in love is done well"；最最最正嘅就係：由於老闆全程戴住手套整包，所以顧客食完嘢係需要自己喺 counter 埋單自己找贖，就我所見，所有顧客都很自律很誠實，呢種互信互助嘅關係，我諗只會係喺呢啲良心小店先會發現。
所以我一直相信，撐黃店就係撐良心小店。
张贴
