影片
更多
2022-06-02
924 浏览
透過mm channel 既推介，令到我對尼間餐廳產生興趣，朋友亦不約而同地話想一齊去食。第一次係重慶大廈食飯，更加係第一次食非洲菜。Paul's kitchen喱個名簡潔有力，由入門口開始就已經見到老闆娘同樓面既活力，好似屋企人咁同你有講有笑，到負責食物既Paul，仲有餐廳樓底高空間又大，一切完美。本來想一嚐非洲雞煲，可惜同行友人唔食得辣，所以亦無叫到啲咩好特色既非洲菜。牛尾雜菜湯🥘$188根據menu所寫，尼個係一道菲律賓食品，其實好多唔同地方都會有牛尾湯，如果你係想感受到異國風情，我相信尼道湯品應該唔會滿足到你。不過撇除菲律賓，湯甜亦足料，成道湯既味都覺得係熬出黎，唔係味精。牛尾一啲都唔會吝惜，又多又大舊，蔬菜既熟度亦啱啱好，唔會煮到腍哂爛哂。霹靂燒春雞🍗$218霹靂燒春雞都實在霹靂，色香味俱全不在話下，最緊要係春雞肉質鮮嫩多汁，又唔會話為左要佢嫩而見到有血水既骨頭，煮既時間真係剛剛好，仲要有老闆娘幫你切開分件，唔洗驚自己切到拿手唔盛勢，加上醬汁一齊食，風味一流。菲律賓焦糖布甸🍮$58布甸有別於平時食既滑溜口感，更偏向蛋糕或者麵包布甸既感覺，飯後食番啲甜野都特別滿足，見到堇花作裝
第一次係重慶大廈食飯，更加係第一次食非洲菜。Paul's kitchen喱個名簡潔有力，由入門口開始就已經見到老闆娘同樓面既活力，好似屋企人咁同你有講有笑，到負責食物既Paul，仲有餐廳樓底高空間又大，一切完美。
本來想一嚐非洲雞煲，可惜同行友人唔食得辣，所以亦無叫到啲咩好特色既非洲菜。
牛尾雜菜湯🥘$188
根據menu所寫，尼個係一道菲律賓食品，其實好多唔同地方都會有牛尾湯，如果你係想感受到異國風情，我相信尼道湯品應該唔會滿足到你。不過撇除菲律賓，湯甜亦足料，成道湯既味都覺得係熬出黎，唔係味精。牛尾一啲都唔會吝惜，又多又大舊，蔬菜既熟度亦啱啱好，唔會煮到腍哂爛哂。
霹靂燒春雞🍗$218
霹靂燒春雞都實在霹靂，色香味俱全不在話下，最緊要係春雞肉質鮮嫩多汁，又唔會話為左要佢嫩而見到有血水既骨頭，煮既時間真係剛剛好，仲要有老闆娘幫你切開分件，唔洗驚自己切到拿手唔盛勢，加上醬汁一齊食，風味一流。菲律賓焦糖布甸🍮$58
布甸有別於平時食既滑溜口感，更偏向蛋糕或者麵包布甸既感覺，飯後食番啲甜野都特別滿足，見到堇花作裝飾都賞心悅目。今次同友人既晚餐都食得好盡興，雖然有時間限制，不過都係一個好適合一度食一度傾計既地方。
张贴
