馬祖 (海之戀商場)

营业中

休息中

今日是周年紀念，男朋友知我鍾意打邊邊就訂左呢間台式火鍋店，由於該疫情關係我地都有考慮過，但睇到佢地做足晒防疫措施，入門會量身體溫，消毒雙手，再檢查有無手帶，每枱仲加建左啲板去隔開。一入到去就先到大王調味架，一個台式配料區同埋一個疏菜區，之後就係一排飲品，仲有幾個雪糕櫃，全部都好吸引，雪糕同飲品都有勁勁勁多選擇我地叫左308套餐，有美國整黑和牛肩脊肉，西班牙黑毛豬，prime grade 肩胛肉眼，同埋豬肉片，我地當然主攻牛牛啦。啲和牛脂脂真係好雪花，而肩胛肉眼就厚啲，脂肪會少啲。一個係椰子清雞湯，另一個係壽喜燒，個湯味道適中，唔會太濃或太淡，啲牛一放落去幾秒就得，和牛好冧，人口即溶咁，好正，而肉眼就係肉味濃啲，有啲咬口，各有特色，唔洗點醬油都好好味。另外我最鍾意佢有芝士竹輪，甜不辣，魚柳，呢幾樣都好正呢！最後黎返杯雪糕，好完滿。食完仲可以去激安，真係一舉兩得。