馬祖 (海之戀商場)

营业中

休息中

身為米線米，我每星期都會吊癮發作要去食米線，尋日就去咗荃灣海之戀商場地下 - 馬祖台灣到食藥膳米線。黑蒜藥膳農場雞肉米線 (9号餐，$57)麵到了，當然第一啖就係飲啖湯先啦。入口有淡淡嘅黑蒜嘅香味，不其然令我諗起出前一丁 黑蒜油嘅味道 ，哈哈，當然呢個感覺健康得多啦。而米線比較粗身，口感也比一般嘅米線彈牙。碗米線有滿滿嘅紅棗，感覺好滋補。我諗返湯底可能加咗冰糖 ，帶有少少甜味，中和了藥材嘅苦味 ，值得一讚嘅就會雞肉質鮮嫩 ，十分足料，每碗都有雞脾食。藥膳香辣蕃茄湯農場雞肉米線(17 号餐，$59)我朋友食咗第一啖，就彈咗句：幾好食喎。我呢隻為食貓咁就梗係要食一啖一試真假呀啦。食飯記得要注意個人衛生，用公筷鑊啊。如圖所示，面頭有滿滿嘅藩茄，酸酸甜甜味同藥膳嘅苦味沒有相沖之餘反而幾夾 ，意想不到。正因為我認為兩者唔夾所以冇揀到呢個嚟食 。湯底帶有少少嘅微辣，襯托住主，打嘅藥膳，沒有喧賓奪主。整體嚟講 ，馬祖環境舒服寬敞，對住個海岸邊 ，性價比都算係咁，比其他食藥膳米線略勝一籌。