影片
更多
2022-08-08
421 浏览
之前有朋友介紹過呢間私房菜，色香味俱全，所以趁每月一次嘅聚會，今次就定咗，可以好好品嚐一番😋餐廳環境雖然不大，但裝修尚算雅致，我訂了一個四人餐，菜款都好多，有成12個餸菜！榮哥自家製甜酸齋味道真係一流，酸酸甜甜，恰到好處，酸味唔會太搶，作為餐前小食，越食越開胃！涼拌雲耳，麻香味濃，爽口彈牙，啱晒熱辣辣嘅夏天食！特色三小碟，本地水耕沙律菜伴芝麻醬～青瓜片捲着水耕生菜，外型已經夠殺食，加上淋面的芝麻醬識落非常爽脆，新鮮！雙色墨魚仔～爽口彈牙，唔會煙靭咬唔落口，秒清！茶燻流心蛋伴黑魚子醬配厚切茄子～擺放得靚靚，流心蛋煙熏味重，入口軟滑，煙燻過的蛋汁充斥整個味蕾，實在好好食略嫌半隻太少，厚切茄子炸得外脆內軟，點上秘製醬汁同食，完全沒有油膩感！原盅燉龍脷葉青橄欖金桔黑毛豬豚肉湯～生津潤肺湯，飲落很鮮甜，而且龍脷葉橄欖可舒緩喉嚨不適，飲落很鮮甜！黑松露醬炒花尾躉斑球配鮮蘆筍～班球食得出非常新鮮，肉質鮮甜，魚皮厚彈骨膠原豐富，加入鮮蘆筍同黑松露同炒，即刻提升魚肉的鮮味！鮮蝦水芙蓉～大蝦爽口彈牙，蛋白蒸得夠滑溜，淋上甘筍汁，錦上添花！橄欖豬肋骨～焗得夠入味，食落有少許黑椒同橄欖味，豬肋骨亦不會鞋口，廚
餐廳環境雖然不大，但裝修尚算雅致，我訂了一個四人餐，菜款都好多，有成12個餸菜！
榮哥自家製甜酸齋味道真係一流，酸酸甜甜，恰到好處，酸味唔會太搶，作為餐前小食，越食越開胃！
涼拌雲耳，麻香味濃，爽口彈牙，啱晒熱辣辣嘅夏天食！
特色三小碟，本地水耕沙律菜伴芝麻醬～青瓜片捲着水耕生菜，外型已經夠殺食，加上淋面的芝麻醬識落非常爽脆，新鮮！
雙色墨魚仔～爽口彈牙，唔會煙靭咬唔落口，秒清！
茶燻流心蛋伴黑魚子醬配厚切茄子～
擺放得靚靚，流心蛋煙熏味重，入口軟滑，煙燻過的蛋汁充斥整個味蕾，實在好好食略嫌半隻太少，厚切茄子炸得外脆內軟，點上秘製醬汁同食，完全沒有油膩感！
原盅燉龍脷葉青橄欖金桔黑毛豬豚肉湯～生津潤肺湯，飲落很鮮甜，而且龍脷葉橄欖可舒緩喉嚨不適，飲落很鮮甜！
黑松露醬炒花尾躉斑球配鮮蘆筍～
班球食得出非常新鮮，肉質鮮甜，魚皮厚彈骨膠原豐富，加入鮮蘆筍同黑松露同炒，即刻提升魚肉的鮮味！
鮮蝦水芙蓉～大蝦爽口彈牙，蛋白蒸得夠滑溜，淋上甘筍汁，錦上添花！
橄欖豬肋骨～焗得夠入味，食落有少許黑椒同橄欖味，豬肋骨亦不會鞋口，廚師控制火候剛剛好！
招牌茶王熏雞，整個套餐我的摯愛，雞皮非常薄脆，有極之濃郁的茶熏味，連雞骨都非常入味，而且雞肉有肉汁，雖然已經食到尾聲但都實在忍不住一件接一件！
米王有機時令鮮蔬～蔬菜吸收左米漿的香味,除咗有菠菜本身的菜味添加左米漿的香氣，原來味道可以咁夾咁好味！
24個月西班牙黑毛豬火腿配福建莆田米粉～雖然個個都已經食到捧住個肚，但因為呢個炒米粉實在太香，所以每人夾幾撮便馬上清盤！
食完每人仲有一碗甜品～黑芝麻流心湯圓，作為呢餐圓滿的結尾！
张贴
