影片
更多
2020-06-22
3154 浏览
.一間米之蓮三星嘅餐廳——唐閣為咗慶祝父親節，醫管局員工又有半價優惠，我哋就專登黎試下佢嘅招牌菜。 唐閣一品盆 $400一份有南非鮑魚，海蜇，蜜汁叉燒同埋蜜汁鱈魚。鮑魚一開二都幾大舊，好彈牙，溏心好香，唔會好甜，幾入味。蜜汁鱈魚果然不負所望，超好食。個皮炸到好香脆，但唔會好油。蜜汁好出色，唔會太甜，咸味夠。魚肉好嫩滑，令到個口感好豐富。蜜味叉燒，半肥瘦，好多肉汁。蜜汁都好香。海蜇就正正常常啦。釀焗鮮蟹蓋 $210 有一層炸粉喺面，入面原來有好多好蟹肉，肉質鮮嫩，表面嘅芝士份量都多，忌廉汁唔會太膩，唔會搶咗蟹肉嘅鮮味，相當高水準。砵酒焗生蠔 $480 一份4隻，炸過既蠔面有砵酒香，個汁好出色，蠔好大隻，啖啖肉。連個蠔殼都應該喺漂過黎，白雪雪咁，賣相加曬分。片皮鴨二食 $880 片皮鴨切到好薄，好香好脆，唔太油，一份係有兩大碟。值得一讚係佢嘅麵粉皮係會refill之餘仲會有蒸氣一路熱住，唔會放到凍咗都未食晒。二食嘅肉會切成似粒，連埋荀黎炒，整成生菜包，味道算係咁啦。不過留意返依度嘅片皮鴨係無得一食架，要留肚呀🤣。金黃菠蘿炒蝦球 $460 啲蝦開咗邊都依
一間米之蓮三星嘅餐廳——唐閣
為咗慶祝父親節，醫管局員工又有半價優惠，我哋就專登黎試下佢嘅招牌菜。
唐閣一品盆 $400
一份有南非鮑魚，海蜇，蜜汁叉燒同埋蜜汁鱈魚。鮑魚一開二都幾大舊，好彈牙，溏心好香，唔會好甜，幾入味。蜜汁鱈魚果然不負所望，超好食。個皮炸到好香脆，但唔會好油。蜜汁好出色，唔會太甜，咸味夠。魚肉好嫩滑，令到個口感好豐富。
蜜味叉燒，半肥瘦，好多肉汁。蜜汁都好香。海蜇就正正常常啦。
釀焗鮮蟹蓋 $210
有一層炸粉喺面，入面原來有好多好蟹肉，肉質鮮嫩，表面嘅芝士份量都多，忌廉汁唔會太膩，唔會搶咗蟹肉嘅鮮味，相當高水準。
砵酒焗生蠔 $480
一份4隻，炸過既蠔面有砵酒香，個汁好出色，蠔好大隻，啖啖肉。連個蠔殼都應該喺漂過黎，白雪雪咁，賣相加曬分。
片皮鴨二食 $880
片皮鴨切到好薄，好香好脆，唔太油，一份係有兩大碟。值得一讚係佢嘅麵粉皮係會refill之餘仲會有蒸氣一路熱住，唔會放到凍咗都未食晒。
二食嘅肉會切成似粒，連埋荀黎炒，整成生菜包，味道算係咁啦。不過留意返依度嘅片皮鴨係無得一食架，要留肚呀🤣。
金黃菠蘿炒蝦球 $460
啲蝦開咗邊都依然夠大隻，蝦肉十分彈牙，食得uu好新鮮，但份量就唔算多啦。
唐閣寶盒飯 $140
用咁一隻金色嘅蟹碟黎整，上面有個蟹蓋裝住個焗飯。入面既炒飯炒到粒粒分明，好乾身，有帶子，蝦仁，芝士做配料，都幾好食，不過就有啲膩。
至於佢哋嘅服務，整體黎講都算好滿意。所有服務員都好有禮貌，見我哋影相又會主動幫我哋影，不斷主動斟茶。不過到我哋間房果四枱客啲食物都到齊曬之後，間房就一個侍應都無，想埋單都要出去搵人，不過睇到出面都真係好忙好多客嘅。同埋有少少失望嘅係，我食食吓跌咗條餐巾落地，食完嘢啲職員幫我哋收碟嘅時候佢順便執起咁條餐巾摺好咗再放上再枱，不過佢唔夠一分鐘就即刻返轉頭執走返佢，咁樣真係有啲唔衛生，更加唔應該發生喺米之蓮三星嘅餐廳度，希望佢哋係一時之失啦🙈。
埋單半價+原價加一，四個人都食咗3000蚊，不過係食到好飽嘅。
张贴
