越．男

营业中

休息中

今次係見openrice有外賣自取優惠，所以先幫襯。叫左個無骨海南雞飯，原價$60，而家半價$30，都算抵食。味道還好，份量一般，女士食都夠飽。不過間店既態度真係有待改善。我唔係第一次用openrice外賣自取，平時都係將openrice app顯示既外賣號碼俾鋪頭睇，佢就會知我係邊張單。今次我都係咁做，但個店員第一下就好串咁同我講「你俾我睇呢個做咩呀？」之後仲要話「我呢到有好多外賣單，得個number唔知你邊張單架喎」我知我俾左錢，但啲態度都唔洗差到咁。原來，佢地係用名同電話號碼做記認，但都可以用好啲態度問我囉！話明外賣自取，當然係收到order就開始整，咁就算我去到要等都唔緊要既，起碼係整緊。原來呢間鋪頭對外賣自取既定義咁有趣，係等埋我去到先開始整！如果佢咁做係為左保持品質，咁一係佢唔好做外賣，相信叫得外賣既人就係為左慳時間，一去到就攞得野食，點知原來又要我浪費時間等。個飯係用紙碗裝，不過好有趣既地方係冇碗蓋，而係包塊錫紙，再用橡根紮住。恕我見識少，未見過咁既包裝！呢間鋪頭啲做法真係好奇怪，不過都唔會有下次嚕。