影片
更多
2023-02-16
167 浏览
依家餐廳冇打卡都好難淨係靠美食嚟吸引顧客，而依間正正就是環境吸引嘅我，結果佢嘅美食更加令我有深刻印象The one 多美食就個個都知道，今次就嚟試吓依排成日係IG見到嘅打卡餐廳“Royal INN”未入去食就已經見到門口嘅凱旋門，而且成個環境都好適合打卡或者三五知己一齊嚟食嘢吹水，感覺好寫意，不過一定一定要提早少少預約，唔係就會好似我咁，要坐門口嗰幾張枱，瞬間感覺差咗一半（因為門口比較光，而且比較冇咁私隱） 食物款式都唔少，紅字就係餐廳推介，咁緊係要點嚟試吓牛油香煎蟹餅 Crab Cake $128上枱嘅時候有少少似薯餅，但一切開就見到滿滿嘅蟹肉，表面煎到好香脆，但係裡面嘅蟹肉又唔會乾晒，單吃已經非常美味，而再配上醬汁一齊食，就是另一種味道（不過個人口感覺得單吃比較好，因為醬汁有點膩）炭燒18小時慢煮牛肋骨Sous Vide Beef Rib 16oz Medium $358雖然話已經炭燒咗18個鐘，但係食落去都唔會好乾身，咬落去仲好Juice，而且冇咩筋位，所以食落去唔需要多咀嚼已經可以吞下去，肉味都好濃，而且落咗少少岩鹽，提起咗佢嘅鮮味，不用額外點醬也已經夠味威靈頓羊架 Lamb
The one 多美食就個個都知道，今次就嚟試吓依排成日係IG見到嘅打卡餐廳“Royal INN”
未入去食就已經見到門口嘅凱旋門，而且成個環境都好適合打卡或者三五知己一齊嚟食嘢吹水，感覺好寫意，不過一定一定要提早少少預約，唔係就會好似我咁，要坐門口嗰幾張枱，瞬間感覺差咗一半（因為門口比較光，而且比較冇咁私隱）
食物款式都唔少，紅字就係餐廳推介，咁緊係要點嚟試吓
Crab Cake
$128
21 浏览
0 赞好
0 留言
牛油香煎蟹餅 Crab Cake $128
上枱嘅時候有少少似薯餅，但一切開就見到滿滿嘅蟹肉，表面煎到好香脆，但係裡面嘅蟹肉又唔會乾晒，單吃已經非常美味，而再配上醬汁一齊食，就是另一種味道（不過個人口感覺得單吃比較好，因為醬汁有點膩）
炭燒18小時慢煮牛肋骨16oc
$358
22 浏览
0 赞好
0 留言
炭燒18小時慢煮牛肋骨Sous Vide Beef Rib 16oz Medium $358
雖然話已經炭燒咗18個鐘，但係食落去都唔會好乾身，咬落去仲好Juice，而且冇咩筋位，所以食落去唔需要多咀嚼已經可以吞下去，肉味都好濃，而且落咗少少岩鹽，提起咗佢嘅鮮味，不用額外點醬也已經夠味
威靈頓羊架
$288
33 浏览
0 赞好
0 留言
威靈頓羊架 Lamb Wellington $288
平時威靈頓牛扒就食得多，威靈頓羊架就真係少食，佢嘅酥皮我覺得算是酥脆，唔會好淋身，調味都算做得幾好，唔會太濃味完全蓋過羊架本身既味道，但又可以輕微減低羊架嘅臊味，就算唔太食羊嘅人都可以接受到
Mixed berry Crepe
$88
16 浏览
0 赞好
0 留言
Mixed berry Crepe 法式班戟（自家製藍莓醬士多啤梨） $88
咁嗰時OpenRice 訂座做緊優惠，只要消費夠數就可以免費送一份法式班戟或者薯條，咁我哋就揀咗法式班戟；藍莓醬份量都好多，食落去甜甜地酸酸地幾開胃，再加上士多啤梨，成個感覺配搭得好自然，味道唔會過酸或者過甜
但唔知而家仲有冇呢個優惠🫢因為基本上兩個人食少少嘢都一定已經過咗嗰個金額
白桃果園 White Orchard $42
咁食得甜品，梗係想配返一杯茶，所以就叫咗兩杯White Orchard，將茶從茶壺倒出來嘅時候，就已經聞到好香嘅白桃香味，但第一啖飲落去嘅時候，會比較淡身，後期白桃嘅甜味先慢慢滲出來，但整體嚟講都係偏淡，感覺比較適合女士
整體來講，美食同環境都好好，幾值得一試
以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。
张贴
