古今

营业中

休息中

已經喺二訪銅鑼灣喇 之前都有去荃灣分店 但無論喺食物定服務 我都會選擇前者一如以往 叫咗刺身 炸物 壽司 兩個人食真心飽到上心口先講刺身 好 新 鮮 呀 喂!三文魚好肥美 加上切得厚身 重重魚油脂爆發帶子同樣好鮮甜 解雪解得不錯生蠔反而比較一般 算喺肥大脹卜卜 但欠缺生蠔嘅獨特金屬味炸雞軟骨 每次嚟都會叫一碟 炸漿係比較厚身嗰種 但絕唔會有一浸油益味 推薦呀燒櫻花蝦茄子 茄子燒得好淋好夠juicy 上面佈滿櫻花蝦 帶有鹹香燒茄子免不了會比較多油 但呢度嘅油分可接受櫻花壽司卷壽司卷嘅種類多到眼花撩亂 都唔知揀咩好 最後貪心又想要吞拿魚又要三文魚 同樣地都係好新鮮 加上有薯片增加口感