南越南咖啡廳

营业中

休息中

唔知有冇人好似我咁，有時唔想出街食，唔係因為怕嘥錢，而係出面啲餐廳成日用啲味精搞到食完個胃好唔舒服。食過兩次南越南，食物味道好味之外，最開心嘅係食完之後個胃冇唔舒服，正！飲品及食品部份上菜時極有打卡價值，留返各位食客自己發掘啦🤣美中不足、希望餐廳改善嘅就係午餐套餐嘅選擇，如果個午餐已經係炸扎肉豬肉春卷，小食點解又係得兩味揀其中一樣仲係揸扎肉豬肉春卷呢？結果我end up with 六條一樣嘅春卷, 又試唔到其他小食😑，不過其餘的都很好，價錢又好OK。請注意呢幢樓大部份都係食肆，電梯喺食飯時間條龍排到出彌敦道（因為電梯大堂細），可能要等一兩架lift先至疏導到，嚟呢度樓上食飯嘅朋友就預返一D時間派隊等lift 啦！不過南越南就方便啲，喺一樓行後樓梯上都ok。