又見到冇乜負評，食物照片又幾吸引。
點知真係換來一個幾差下嘅晚餐體驗。:(
食物:公道講句，食物質素唔錯，賣相都唔差嘅，但係以咁嘅價錢，份量真係少咗啲。
服務: 本身鋪面唔大，”親切”的店員，無時無刻都會望吓你啲嘢食晒未，然後就叫你再嗌嘢。
佢哋expect你要一次過叫晒所有嘢食，一杯啤酒飲完都要分別有三個侍應黎問你續唔續杯，叫完第二杯又問飲唔飲第三杯。
即使你拒絕咗，依然會好煩咁問你叫唔叫多杯。
成個食飯體驗，真係好差。
同朋友傾幾句佢哋啲侍應又會問你叫唔叫嘢食同飲唔飲嘢。
食物好食，但係完全放鬆唔到。
個幾鐘嘅時間，基本上就係不斷chur你叫嘢食同埋食嘢。
最後真係甜品都唔想嗌，因為真係好趕客。
本身又冇講明時間限制，但係最後逼你埋單之餘，又叫你急住讓返張枱俾佢。
體驗好差，一定冇下次。
