影片
更多
2025-03-20
533 浏览
喺土瓜灣北帝街呢個平民美食戰場，竟然暗藏一間清真中東菜館Lamees！推開門即刻聞到香料煙燻香，今次真係要同大家爆seed推介佢哋嘅邪惡沾醬同伊比利羊肋骨🐏，食到手指都舔埋啊喂～ 🤤.首先必嗌Trio Dip三色醬拼盤🫓店員姐姐好熱情教路：「一片彼得包蘸半份醬至啱比例！」經典鷹咀豆泥滑到似絲襪奶茶嘅質感，黑松露版本仲加咗陣土豪香氣，最驚喜係烤茄子蓉帶住炭燒焦香，用熱辣辣彼得包包一𢳂，鹹香豆味爆擊味蕾，三款醬勁夾到連碗邊都刮到反光！ .Octopus西班牙八爪魚🐙上枱嗰陣，煙燻香夾住檸檬酸氣直攻鼻哥，八爪魚腳嫩到似輕輕一咬就斷，橄欖🫒同蒜🧄嘅組合邪惡，真係無敵！.全晚高潮絕對係Iberico Lamb Spare Ribs🐏 Iberico 係西班牙一個地方，最出名嘅當然係西班牙伊比利亞黑豬，因為豬仔嘅飼料就係橡果，所以出嚟嘅肉質係比較香身，甚至被媲美豬界嘅和牛級。而Lamees係一間清真飲食文化，所以係唔會有豬嘅出現。但係Iberico Lamb 一樣就係食橡果長大羊，食橡果大嘅羊仔肋骨烤到外脆內軟，鮮嫩多汁的肉質，咬落脂肪同肉汁喺口入面跳tango，伴隨莎莎醬減低油膩感，side
.
首先必嗌Trio Dip三色醬拼盤🫓店員姐姐好熱情教路：「一片彼得包蘸半份醬至啱比例！」經典鷹咀豆泥滑到似絲襪奶茶嘅質感，黑松露版本仲加咗陣土豪香氣，最驚喜係烤茄子蓉帶住炭燒焦香，用熱辣辣彼得包包一𢳂，鹹香豆味爆擊味蕾，三款醬勁夾到連碗邊都刮到反光！
.
Octopus西班牙八爪魚🐙上枱嗰陣，煙燻香夾住檸檬酸氣直攻鼻哥，八爪魚腳嫩到似輕輕一咬就斷，橄欖🫒同蒜🧄嘅組合邪惡，真係無敵！
.
全晚高潮絕對係Iberico Lamb Spare Ribs🐏 Iberico 係西班牙一個地方，最出名嘅當然係西班牙伊比利亞黑豬，因為豬仔嘅飼料就係橡果，所以出嚟嘅肉質係比較香身，甚至被媲美豬界嘅和牛級。而Lamees係一間清真飲食文化，所以係唔會有豬嘅出現。但係Iberico Lamb 一樣就係食橡果長大羊，食橡果大嘅羊仔肋骨烤到外脆內軟，鮮嫩多汁的肉質，咬落脂肪同肉汁喺口入面跳tango，伴隨莎莎醬減低油膩感，side dish 既薯仔一樣烤到香脆，食完成個碟連汁都撈埋！ 😌
.
甜品Bozza乳香膠雪糕🍧顛覆想像——用匙羹竟然有小小拔絲效果！口感煙韌質感夾住雲呢拿香同開心果碎，超滿足🥰
.
飲埋杯鋪滿果仁嘅Lamees Avo牛油果奶昔🥑濃稠到要用匙羹𢳂，無得頂～
.
仲有杯Yuzu Wheat🍺柚子酸香沖走晒油膩感，呢餐由頭驚喜到尾，中東菜都可以食到咁鬼過癮，土瓜灣街坊今次真係執到寶啦！
张贴
