影片
更多
2014-12-29
9035 浏览
友人最愛周圍搵食, 專揀米之蓮名店. 講咗好耐, 好多次, 由此店的梁師傅收山, 講到梁師傅又出翻嚟, (好似明星般, 話退休, 唔再唱, 但轉過頭, 又出翻嚟開演唱會, 話....唔捨得歌迷....喎...哈哈哈...), 終於都有得食了. 對精緻中式菜, 真的提不起很大興趣, 但間中食一兩次, 當然也無所謂...哈哈...得罪好多人了. 無論如何, 沒有貴價材料的晚餐, 今次食咗 每人一千二百元 (包括一枝紅酒).精緻中式菜, 多賣相精美, 當然 味道也不差, 凍食的菜式確實好味, 但傳統菜式, 則上檯時的熱度和火喉不及傳統中式名店. 可能老友知我唔太喜歡精緻中式菜, 怕我食唔飽, 今晚叫了超多菜式, 好似幾日無食飯咁, 真失禮....玫瑰花香燻帶子, 哈哈...真係有玫瑰味, 有燻煙味...同樣價錢可以食到大兩三倍的新鮮連彀帶子.瑪瑙牛筋片, 幾好, 彈牙, 有咬口, 似羊脂凍, 好味.明爐臘腸卷, 味道唔太鹹, 有咬口, 好味.鮮竹時蔬卷, 腐竹包住了菜蓉, 一粒杞子放面, 隱約聽到有人講: 杞子明目, 好有益呀...呀.... (但係...每件只有一粒咋播.... )四寶元肚
精緻中式菜, 多賣相精美, 當然 味道也不差, 凍食的菜式確實好味, 但傳統菜式, 則上檯時的熱度和火喉不及傳統中式名店. 可能老友知我唔太喜歡精緻中式菜, 怕我食唔飽, 今晚叫了超多菜式, 好似幾日無食飯咁, 真失禮....
玫瑰花香燻帶子, 哈哈...真係有玫瑰味, 有燻煙味...同樣價錢可以食到大兩三倍的新鮮連彀帶子.
瑪瑙牛筋片, 幾好, 彈牙, 有咬口, 似羊脂凍, 好味.
明爐臘腸卷, 味道唔太鹹, 有咬口, 好味.
鮮竹時蔬卷, 腐竹包住了菜蓉, 一粒杞子放面, 隱約聽到有人講: 杞子明目, 好有益呀...呀.... (但係...每件只有一粒咋播.... )
四寶元肚竹絲雞湯, 足料靚湯, 用豬肚袋住隻雞來煲, 阿媽間中都煲過, 只不過無袋住隻雞來煲, 唔知道會唔會影響湯味道...
花雕蛋白蒸蟹拑, 花雕味道不夠香濃, 蛋白夠滑, 蟹拑軟熟.
龍王白玉卷, 蟹黃底, 打散菜蓉加蝦肉再加魚肉, 賣相一流.... 好睇....都幾好味....啦..
蜜梅燒骨, 我覺得最好食的其中一款, 心諗: 送飯一流..., 好想叫碗白飯, 但都係無出聲...
萬壽果牛肋肉, 萬壽果有果味, 牛肋肉有牛味... 這是我的評價, 無補充了.....
青翠白玉蔬, 又係與龍王白玉卷一樣, 賣相一流, 味道.... 唔差吖, 有菜味, 竹笙好食, 係咁多.
鴛鴦糯米飯, 意想不到吧, 這個是糯米飯.... 哈哈..哈... 好美觀, 賣相一流, 唉.....我突然想起...灣仔強記既糯米飯.....好想去食....
家鄉煎茶果, 已經唔記得點樣好味道了
泮糖山渣卷, 賣相與味道都好, 好喜歡, 我食了兩件.
蛋白杏仁露, 幾好, 杏仁.... 味道唔錯..... 蛋白味道...都唔錯
张贴
