影片
更多
2024-03-28
129 浏览
最近經常同親朋好友出街大魚大肉，係時候想食返啲健康清淡嘅食物～喺香港成日見到TREEHOUSE呢間素菜餐廳，即刻約咗同樣追求健康嘅朋友去試吓！店內以全植物素食為主打，可以自由配搭麵包或沙律，再揀自己喜歡嘅配料，花多眼亂！唔緊要，呢度竟然仲有兩部自助點餐機，既清楚又方便！Snowdrop雪降烤餅普通沙律碗（雜穀米飯&雜菜沙律）呢個好有驚喜，原本以為食素好dry，估唔到呢度嘅沙律好香口，配埋個醬汁就變得好豐盛！我哋最鐘意佢有塊燒茄子，好juicy呀！Margherita瑪格麗特酸種薄餅薄餅厚度剛好，上面嘅芝士當然都係素芝士啦，放材料一啲都唔手軟，羅勒葉新鮮又大塊，加埋蕃茄醬，好清新開胃！炸椰菜花睇落好似炸雞咁，咬落炸衣好薄，調味好香，入面嘅椰菜花仲係好腍，唔會炸到乾晒，好正！Walnut Brownie核桃布朗尼食素都食到飽飽，但係都忍唔住叫埋甜品，Brownie俾人印象一向都係一個非常甜嘅甜品，但係呢度做出嚟甜度啱啱好，夠晒健康！唔甜相對比較食得放心！Treehouse喺香港仲有分店，以後想食得健康都可以好就腳🥰
店內以全植物素食為主打，可以自由配搭麵包或沙律，再揀自己喜歡嘅配料，花多眼亂！唔緊要，呢度竟然仲有兩部自助點餐機，既清楚又方便！
Snowdrop雪降烤餅普通沙律碗
（雜穀米飯&雜菜沙律）
呢個好有驚喜，原本以為食素好dry，估唔到呢度嘅沙律好香口，配埋個醬汁就變得好豐盛！我哋最鐘意佢有塊燒茄子，好juicy呀！
Margherita瑪格麗特酸種薄餅
薄餅厚度剛好，上面嘅芝士當然都係素芝士啦，放材料一啲都唔手軟，羅勒葉新鮮又大塊，加埋蕃茄醬，好清新開胃！
炸椰菜花
睇落好似炸雞咁，咬落炸衣好薄，調味好香，入面嘅椰菜花仲係好腍，唔會炸到乾晒，好正！
Walnut Brownie核桃布朗尼
食素都食到飽飽，但係都忍唔住叫埋甜品，Brownie俾人印象一向都係一個非常甜嘅甜品，但係呢度做出嚟甜度啱啱好，夠晒健康！
唔甜相對比較食得放心！
Treehouse喺香港仲有分店，以後想食得健康都可以好就腳🥰
张贴
