焱丸水產

营业中

休息中

今餐真係出乎意料咁好食。朋友話尖咀呢間焱丸水產性價比好高既磯燒居酒屋。既然咁推介，就即管試下。係棉登徑比較入，但又意外地多人。坐底先叫左2杯野飲先：冰菠蘿燒酎，真係有支菠蘿冰，同埋洋梨燒酎。酒味唔係好勁，好啱咁呢個天時飲。頭盤叫左個左口魚刺身，佢既左口魚同三文魚真係好新鮮，仲有岩手縣生蠔。佢地既海鮮真係好新鮮，左口魚切得好靚，三文魚勁厚，2個唔同口感，但鮮味一流。因為朋友想食飯糰，就叫埋三文魚，同木魚花飯糰。咬落仲有微溫，唔濃味，好有日本風格。當然唔會錯過佢既磯燒：黑松露蟹肉甲羅燒，鮑魚殼燒，松葉蟹膏帆立殼燒，三文魚籽帆立殼燒。佢地好好，有專人幫客人燒，包保唔會過熟或唔熟。第一次見隻鮑魚仲會郁咁樣燒，雖然好似有啲殘忍，但真係勁新鮮，好鮮甜。佢既磯燒真係比我係大阪食既仲正。食到半路仲會有燈效幫客人慶生，好有氣氛，全場都好開心。