影片
更多
2016-01-29
3260 浏览
今日除咗我同啊媽，個個都有節目。佢地去HAPPY，我都要同媽媽去HAPPY吓，食餐好嘅，第一時間諗到阿一海景飯店喇。原本想坐180度維港海景位，不過我地冇預約，唔駛等位都算好喇。環境衛生都好好，服務態度一流。天白花菇扣鮑魚配唐生菜，鮑魚雖然只是湯鮑，但喺好鮮味，火喉好足好腍滑好入味，而且肥美多汁，食落口感好好。鮑魚唔會好細只，大細適中。花菇好厚身，裂紋亦明顯，吸收咗鮑魚嘅鮮味，好入味好香滑，啊媽話花菇比鮑魚好食。鮑魚花膠鵝掌好美味，鮑魚好腍好入味，鵝掌酥爛入味，有種入口即化嘅感覺，花膠都幾厚身，唔會好腍，口感嫩滑好爽。花菇都好入味。招牌焗釀蟹蓋賣相一般，灑上芝士烤制，香濃嘅芝士味，味道相當好，焗得好乾身、蟹肉好鮮饀料比較足、除咗蟹肉外，仲有其他配料嘅，洋蔥都好鮮甜。飯炒火氣十足，粒粒分明好乾身，又唔會油膩。有蛋嘅香味。有蟹肉、鮮蝦、菜粒同蟹籽口感豐富。材料都好新鮮。金菇豬肉卷，冇咩驚喜，用豬肉包住金茹，味道有d 淡，燒汁OK，豬肉比較滑。蓮容焗西米布甸喺用純蓮蓉整嘅，好滑，甜度適中唔會好甜或好淡，熱辣辣食感覺仲好。
今日除咗我同啊媽，個個都有節目。佢地去HAPPY，我都要同媽媽去HAPPY吓，食餐好嘅，第一時間諗到阿一海景飯店喇。原本想坐180度維港海景位，不過我地冇預約，唔駛等位都算好喇。環境衛生都好好，服務態度一流。
天白花菇扣鮑魚配唐生菜，鮑魚雖然只是湯鮑，但喺好鮮味，火喉好足好腍滑好入味，而且肥美多汁，食落口感好好。鮑魚唔會好細只，大細適中。花菇好厚身，裂紋亦明顯，吸收咗鮑魚嘅鮮味，好入味好香滑，啊媽話花菇比鮑魚好食。
鮑魚花膠鵝掌好美味，鮑魚好腍好入味，鵝掌酥爛入味，有種入口即化嘅感覺，花膠都幾厚身，唔會好腍，口感嫩滑好爽。花菇都好入味。
招牌焗釀蟹蓋賣相一般，灑上芝士烤制，香濃嘅芝士味，味道相當好，焗得好乾身、蟹肉好鮮饀料比較足、除咗蟹肉外，仲有其他配料嘅，洋蔥都好鮮甜。
飯炒火氣十足，粒粒分明好乾身，又唔會油膩。有蛋嘅香味。有蟹肉、鮮蝦、菜粒同蟹籽口感豐富。材料都好新鮮。
金菇豬肉卷，冇咩驚喜，用豬肉包住金茹，味道有d 淡，燒汁OK，豬肉比較滑。
蓮容焗西米布甸喺用純蓮蓉整嘅，好滑，甜度適中唔會好甜或好淡，熱辣辣食感覺仲好。
张贴
