影片
更多
2024-12-03
219 浏览
早幾日上網見到佢推出咗「牛大人日本黑毛和牛A4+吃到飽！」方案，而且價錢合理$488/位（需加一服務費），晚市120分鐘吃到飽，仲有haagen dazs雪糕任食。即刻就搵朋友一齊去好好享受。我同朋友二人入座後，馬上選擇鍋底我哋加咗$50要鴛鴦鍋，而揀選嘅湯底係：🥘牛大人紅燒牛骨鍋-呢個鍋底，我認為配牛肉食係最突出，完全唔落任何調味，啲牛肉都已經好夠味，而且我覺得係將佢嘅牛味，盡量發揮出嚟，可以話係我去牛大人必點嘅鍋底🥘阿嬷養生濃湯鍋-呢一個湯本身已經有一啲蔬菜底料，用嚟煮蔬菜會令到啲蔬菜比較清甜。😋作為牛魔王嘅我，非常之滿意，今晚啲牛肉，啲牛肉竟然一碟靚過一碟，和牛油花真係好靚呀，牛肉味濃香得來唔會有臊味，係真正嘅和牛香氣呀，而且仲有和牛牛丸可以品嚐到，入口嗰下勁多牛肉汁填滿我嘅口腔啊，呢一下嘅滿足感真係好希望大家可以體驗到💗海鮮拼盤啲海鮮好新鮮，擺盤下面是碎冰，令到啲海鮮擺咗一陣都可以保持新鮮，味道好鮮甜。💗另外講返鮑魚三食：有炭燒鹽葱鮑魚、柚子燒汁鮑魚、古法醉鮑魚，全部肥美大大隻，任點任食💗當然唔少得台式嘅飲品，而且佢新增咗低糖嘅珍珠奶茶都係套餐入邊包括咗係免費嘅飲品嚟㗎，相信大
我同朋友二人入座後，馬上選擇鍋底
我哋加咗$50要鴛鴦鍋，而揀選嘅湯底係：
🥘牛大人紅燒牛骨鍋-呢個鍋底，我認為配牛肉食係最突出，完全唔落任何調味，啲牛肉都已經好夠味，而且我覺得係將佢嘅牛味，盡量發揮出嚟，可以話係我去牛大人必點嘅鍋底
🥘阿嬷養生濃湯鍋-呢一個湯本身已經有一啲蔬菜底料，用嚟煮蔬菜會令到啲蔬菜比較清甜。
😋作為牛魔王嘅我，非常之滿意，今晚啲牛肉，啲牛肉竟然一碟靚過一碟，和牛油花真係好靚呀，牛肉味濃香得來唔會有臊味，係真正嘅和牛香氣呀，而且仲有和牛牛丸可以品嚐到，入口嗰下勁多牛肉汁填滿我嘅口腔啊，呢一下嘅滿足感真係好希望大家可以體驗到
💗海鮮拼盤啲海鮮好新鮮，擺盤下面是碎冰，令到啲海鮮擺咗一陣都可以保持新鮮，味道好鮮甜。
💗另外講返鮑魚三食：有炭燒鹽葱鮑魚、柚子燒汁鮑魚、古法醉鮑魚，全部肥美大大隻，任點任食
💗當然唔少得台式嘅飲品，而且佢新增咗低糖嘅珍珠奶茶都係套餐入邊包括咗係免費嘅飲品嚟㗎，相信大家有幫襯開嘅都知道以往呢啲飲品係每一杯有額外嘅收費，我真係好難相信呢一個套餐竟然咁多款飲品係免費可以無限追加。
💗而且食到飽咗之後仲可以食Häagen-Dazs雪糕畫上一個完美嘅句號。令到我同朋友嘅飯聚更加美好，多謝牛大人俾我哋一個美好嘅晚上。好期待下次盡快再嚟食呢個和牛套餐😍
😋💗總括我哋食咗既食物有以下：
套餐包括-海鮮拼盤
鮑魚三食-古法醉鮑魚，柚子燒汁鮑魚，炭燒鹽蔥鮑魚
套餐包括-澳州和牛牛丸
日本黑毛和牛A4+
澳洲和牛牛胸爽
SRF美國黑牛後腿肉
伊比利亞黑毛豬梅肉
豐原排骨酥（火鍋料）
私房鴨血（辣）
即炸午餐肉
鬼馬老油條
鬼馬松露油條
爽脆炸魚皮
山水滑豆腐
飲品點了以下：
少爺啤-拉格啤酒 400ml
鴨屎香檸檬茶
乳清蛋白荔枝玉露
（低糖）珍珠奶茶
张贴
