大頭蝦南風海鮮酒家

营业中

休息中

嚟到東涌，朋友推介大頭蝦南風海鮮餐廳，這餐廳門面好有大排檔感覺，但又坐得好舒適！張椅重好有特色！個餐牌好多選擇，有燒味，有烤鍋，有小炒！選擇多源化！朋友推介燒腩仔和燒鴨，再加個川烤魚和西洋菜！當然重要啤啤佢啦！燒腩和燒鴨首先登場！燒腩皮脆，再加上一層一層的肥瘦分明！真係超好食！而燒鴨都有少少脆皮，鴨肉夠入味而不鹹！真心好味！主角的川烤魚上枱時十分吸引！看著烤魚加熱至滾滾香氣！急不及待地搶先試味！魚肉香滑而入味！豆腐泡更吸滿魚汁和川菜味！食落齒頰留香！魚身經過煎炸，再用川味醬料烤製！魚肉特別入味而又爽滑彈牙！真的不容錯過！而炒西洋菜就剛中和了比較刺激的川烤魚！而西洋菜又淋滑，而當中的蒜頭更吸上滿滿的菜味，份外美味！