반찬앤쿡 Banchan and Cook (屯門市廣場1期) (已結業)

今日同朋友行行吓街，見到依間餐廳都幾靚，出邊餐牌介紹嘅嘢食都唔錯，所以決定入嚟打卡🤣🤣出面依個coffee corner嘅設計都好靚。餐廳都算闊落，同埋裏面嘅裝修好值得打卡🤣餐牌上嘅嘢食都好吸引，每樣我哋都想試🤣首先，我哋叫咗半份甜辣無骨炸雞。炸雞唔會太多炸粉，裏面嘅肉都好嫩滑。加上味道甜甜地，唔算太辣，食落去好開胃。炸雞當中仲有啲薯條同埋炸年糕。所以依個炸雞，啱晒大家傾住計慢慢食😆另外，我地都叫左一個烤牛肉蛋包飯。蛋好嫩滑，加上內裡係炒飯底，食落口特別滋味🤤🤤 烤牛肉亦都煮得好入味，牛肉唔會太肥，亦都唔會太韌。另外，我地都叫左一個海鮮煎餅。個煎餅都好足料，加埋個甜甜辣辣嗰醬更滋味。嘢飲方面，我哋分別叫咗一杯凍焦糖脆脆鮮奶咖啡，同埋一杯凍濟州綠茶牛奶。凍焦糖脆脆，鮮奶咖啡好好飲，咖啡味好濃，偏nutty, 焦糖唔會蓋過咖啡原本嘅味道。綠茶牛奶都唔錯，唔會太甜，奶味偏重。甜品方面，本身我哋想是芝麻Tiramisu, 好可惜賣晒😮‍💨 但係試依個南瓜Tiramisu 都唔錯。南瓜味都好香，食落口唔會好漏。