影片
更多
2024-07-26
181 浏览
今日因為有朋友帶住所以有好野食，我好有口福，只要準時6點25分來到會展站，行5分鐘就到達餐廳。真係好期待好期待食傳說中嘅優質韓牛！呢到裝修好精緻，店鋪用左紅色同黑色為主，大部分座位都係卡位，感覺都好高級，而且每一位店員都好有禮貌，感覺超級pro。另外都要讚一下呢到d banchan都係無限任加，真係同韓國一樣！我地今晚個highlight就係個韓牛精割品味體驗，呢個套餐只有星期六日晚市供應，但絕對值得大家提早book定！呢個體驗就係有店員同廚師係你面前邊切邊解釋，令顧客可以更加深入地認識韓牛，除左食，都可以增加d cultural knowledge。板腱肉位於胛骨上方位置，肉質有嚼勁翼板肉係牛肩位置，肉質較腍多汁。沙巴當係接近肋骨嘅位，霜降油花均勻緊密。肩胛里肌位於肩胛肉𥚃接近頭部嘅位，油脂比例適中，有淡淡甘甜味而特級牛小排就係前五花肉嘅第一至第六條肋骨，所以油花特別豐滿，肉質軟腍之餘都會有少少口感。最後已經食到好飽，但都有個韓牛脂飯，用熱鍋上，有d飯焦，好香口。連最尾個蜂蜜雪糕都冇馬虎，超creamy！
呢個體驗就係有店員同廚師係你面前邊切邊解釋，令顧客可以更加深入地認識韓牛，除左食，都可以增加d cultural knowledge。
板腱肉位於胛骨上方位置，肉質有嚼勁
翼板肉係牛肩位置，肉質較腍多汁。沙巴當係接近肋骨嘅位，霜降油花均勻緊密。肩胛里肌位於肩胛肉𥚃接近頭部嘅位，油脂比例適中，有淡淡甘甜味而特級牛小排就係前五花肉嘅第一至第六條肋骨，所以油花特別豐滿，肉質軟腍之餘都會有少少口感。
最後已經食到好飽，但都有個韓牛脂飯，用熱鍋上，有d飯焦，好香口。連最尾個蜂蜜雪糕都冇馬虎，超creamy！
张贴
