LE-TA-SU 一人一鍋

营业中

休息中

有時經過呢間鋪，每一次都一定大排長龍，真係忍唔住要試一試佢，佢開11:30，未開舖已經有10個人排緊，咁11:30就準時入去。叫咗個薩摩牛餐250g，轉烏冬。啲擺盤幾吸引，佢一送到嗰刻係開心，但係食落就好傷心。除咗個三塊薩摩牛，下邊啲牛，冇咩味，又鞋，又韌。係點打都好韌,就算係就咁碌佢六七秒就即刻食，都係好韌。食得好辛苦，就好似折磨自己一樣。其他湯底，烏冬，菜，瓜，基本同其他日式打邊爐冇分別，正正常常。最後總結，如果要排半個鐘以上，呢間冇咩特別之餘，啲牛仲要幾差，水又要問佢拎。真係去日式任食打邊爐仲好，有魚蛋菜嘢飲任拎，啲牛都仲要好過佢。