Proton

营业中

休息中

元朗no.1 cafe😁佢哋個裝修用上工業風，牆身係水泥顏色，晚市大半間餐廳都full左，晚餐有唔同組合。可以按住自己需要配餐湯、沙律、前菜、甜品。安格斯牛柳配鵝肝牛柳選了五成熟，裏面仲係粉紅色，而且賣相好靚，牛味香濃肉質軟嫩。鵝肝都係高質素，煎至外脆內軟，具有獨特嘅蛋白質香味。側邊沒有薯仔沙律、大啡菇同蒜頭，配料賣相都正！風乾火腿哈密瓜田園沙律🥗佢哋嘅火腿都幾大片，配上哈密瓜鹹中帶甜，因為我唔食黑醋佢哋可以幫我免費轉芝麻醬，非常之好！濃情朱古力佢哋啲甜品都好出名㗎，底部係布朗尼，上面係朱古力雪糕配上脆脆。對面灑上大量棉花糖同朱古力醬，賣相係毋庸置疑。佢哋嘅布朗尼唔會太甜，口感鬆軟，朱古力味道香濃。