陳家廚房

营业中

休息中

聖誕節約埋好朋友一齊去影下燈飾，中午我地去左灣仔利景酒店食個tea傾下計先，星期六日同公眾假期仲會送兩杯意大利汽酒。呢個tea set真係好有聖誕氣氛，食物質素唔錯，呢到店員服務態度非常好。咸點有椒鹽一口鮑魚，避風塘酥脆蝦餅，懷𡚒錦鹵雲吞，龍哥點心蒸燒賣•鮮蝦餃，一口鮑魚爽口彈牙，蝦餅酥脆可口，雲吞配左甜酸醬酸甜開胃，燒賣同蝦餃用小蒸籠放住好得意。甜點有百利甜酒朱古力蛋糕，夠“薑”意大利芝士餅，開心聖誕泡芙，德國聖誕果子蛋糕，甜點甜度唔會太甜，夠“薑”意大利芝士餅味道好特別，泡芙外脆內軟，入面cream香滑唔膩。傅統英式鬆餅有原味和特濃朱古力，口感鬆軟，配果醬，朱古力醬，奶油忌廉，味道更濃郁。