影片
更多
2020-09-27
2303 浏览
9月份節目真係好豐富😆 除咗係生日月之外，又到一年一度嘅周年紀念啦🙈 今年就揀咗喺銅鑼灣柏寧酒店嘅 Skye Roofbar and Dining 慶祝🥳 因為咩菜式都想試下，所以就揀咗6 course Signature Degustation Menu 試試，其實呢個餐仲有8 course可以揀但自問應該會食唔曬😂 以下就順住上菜次序介紹菜式啦👇🏻-新鮮法國諾曼第生蠔🦪比較特別係蠔肉底部有一層panna cotta，一齊食會令整體口感更creamy。但可能我好耐都冇食過生蠔啦，食落覺得有少少腥🙈-鴨肝凍批、油封珍珠洋蔥🧅底部係鴨肝凍批，上層就有鴨肝慕斯，食落口感豐富，唔會有騷味，每次食細細啖味道已經好rich。本身以為旁邊兩塊洋蔥係裝飾，點知味道又幾好食酸酸地咁估唔到咁清新喎😂 可以中和下冇咁膩-煎烤英國比目魚🐟比目魚好似有少少過熟，識落唔係太滑🤔 反而係底部嘅薯蓉超級好食，好細滑好creamy😆-牛仔胸線及鴨肝🐤牛仔胸線其實係胰臟嚟嘅，但我google完已經冇勇氣試😂 鴨肝就煎得幾香嘅，但之前都有一碟係主打鴨肝，所以就有少少膩啦😂-烤MB5和牛牛柳🥩唔係講笑，真係超級好食呀🤤 牛
-
新鮮法國諾曼第生蠔🦪
比較特別係蠔肉底部有一層panna cotta，一齊食會令整體口感更creamy。但可能我好耐都冇食過生蠔啦，食落覺得有少少腥🙈
-
鴨肝凍批、油封珍珠洋蔥🧅
底部係鴨肝凍批，上層就有鴨肝慕斯，食落口感豐富，唔會有騷味，每次食細細啖味道已經好rich。本身以為旁邊兩塊洋蔥係裝飾，點知味道又幾好食酸酸地咁估唔到咁清新喎😂 可以中和下冇咁膩
-
煎烤英國比目魚🐟
比目魚好似有少少過熟，識落唔係太滑🤔 反而係底部嘅薯蓉超級好食，好細滑好creamy😆
-
牛仔胸線及鴨肝🐤
牛仔胸線其實係胰臟嚟嘅，但我google完已經冇勇氣試😂 鴨肝就煎得幾香嘅，但之前都有一碟係主打鴨肝，所以就有少少膩啦😂
-
烤MB5和牛牛柳🥩
唔係講笑，真係超級好食呀🤤 牛柳有入口即溶嘅口感，配埋醬汁都少少似叉燒嘅味道，味道幾惹味😂
-
白朱古力及法國魚子醬千層酥
千層酥就食得多但加埋魚子醬又真係未試過🤔 白朱古力唔會太甜配埋少少魚子醬食，有一陣魚油香味，又幾得意😋
-
食到最後可以揀Coffee or Tea，仲配埋少少飯後點心，但可惜朱古力質量唔算好😕 茶葉佢地係用高質嘅Tea WG，為今餐畫上完美句號。
张贴
