羲和雅苑

营业中

休息中

呢日同屋企人去咗海港城呢間中餐廳食晚餐，佢嘅環境非常好，可以望到無敵維港海景。首先，北京烤鴨真係冇得輸，鴨皮烤到香脆，帶住少少油香，但又唔會過膩，配埋佢嘅獨家配搭醬汁，超正。烤孜然羊架就好有驚喜，羊肉嫩滑又唔羶，孜然香味濃郁，成個人都覺得好滿足。至於羲和小炒王，係一碟味道豐富嘅小炒，鹹香之餘又夠惹味，啱晒愛重口味嘅人。 金沙焗大蝦係另一個亮點，大蝦鮮甜彈牙，金沙鹹蛋黃包裹住每一隻蝦。椰皇花膠燉雞湯就好清甜，滋補得嚟又唔會太濃，飲完一碗成個人都舒舒服服。 張氏獅子頭軟嫩多汁，呢個傳統菜做得非常好。櫻花蝦蟹籽海皇炒飯就更唔使講，炒飯粒粒分明，櫻花蝦同蟹籽嘅鮮味提升咗成個層次。海膽豆腐滑溜溜，海膽鮮甜，豆腐又夠滑，食到最後一啖都唔捨得放低筷子。 最後黃扒湯浸萵苣真係收尾嘅好選擇，湯底濃郁，配埋嫩綠萵苣，清新又健康。