羲和雅苑

话说我同朋友都系大闸蟹嘅狂热粉丝，一见到羲和雅苑有大闸蟹放题，立刻gogogo～！之前都唔知佢有呢啲offer，见到即刻心动，心动不如行动。加上我以前食过佢嘅片皮鸭，印象唔错（废话，如果唔系点会喺中国开咗40间分店，仲以过江龙姿态杀入香港？）时间管理我哋book咗8点session，大约等咗5分钟入场，20:05正式坐低。任食时间系90分钟，埋单时间系21:17——大家可以do the maths。虽然差咗几分钟，但老实讲，对我整体dining experience影响唔大，因为重点唔系时间，而系……装修羲和雅苑香港店由曾登上美国《室内设计》封面嘅设计团队操刀，中式典雅融合摩登风格，再加上维港美景，真系无得输。但可惜，食物就……食物逐样讲前菜：三色皮蛋清爽开胃，系成晚最稳阵嘅一味。汤：黄扒鱼肚汤底还好，但鱼肚未入味，口感偏硬，好似未够时间煮。放题烤鸭：第一轮：仲老过我同朋友加埋嘅岁数，干过我哋荷包，冻过我个心。如果佢攞住呢盘嘢去北京话系代表北京烤鸭，我真系惊佢会俾人围殴。失礼人。而且烤鸭个饼皮要三催四请先送上，本身已经够冻，等埋就更冻更干。第二轮：有改善，至少有温度，但同我上次食嘅片皮鸭系两回事。可能套餐同散叫真系有分别。不过同平时比都系差d，不如烤鸭唔好做放题啦，直接每人一个portion ；起码保持水准吖。大闸蟹（母）：佢真系可以注明只供母蟹，唔系唔得，但要讲清楚。蟹嘅size偏细，可能同季节有关（小贴士：秋初蟹细，秋尾蟹肥）。第一轮唔够热，之后就好啲，起码够热。但到last order时，我哋想叫多几只蟹，就话最多3只——呢啲限制真系要讲清楚。如果心痛啲蟹，就唔好做放题；直接俾每人一只够斤两嘅蟹咪算啰。做放题，就要预咗有啲客系真系会食得多嘅。精品：鲍鱼够淋够入味，值得一赞。时蔬：燕窝浓汤菜胆无烩过，似系滚水煮熟再淋汤，味道真系无乜。你可以当系点菜胆落个浓汤度食。主食：黄金蟹肉炒饭呢个真系……见好多台都食剩唔少。我觉得唔系大家有心无衣食，而系真心煮得唔掂。酱咸到好似UFO吸住啲饭，炒饭底又湿又黏，唔粒粒分明。我哋试过空口食、捞酱食……都救唔到，投降。甜品：朋友要咗酸奶，话好健康；我要咗姜茶汤丸——全晚最好食系佢。饮品：有汽水、有花茶，唯独无姜茶。总结：食物方面：最好食就系鲍鱼、烤鸭个青瓜丝、汤丸。其他……唔讲都罢。如果做唔到，真心唔好做放题。厨房跟唔上，楼面都跟唔上。烤鸭饼皮要三催四请，食物跌 watt，完全唔系平时水平。Last order叫多几只蟹都好似好为难——如果咁都顶唔顺，真系唔适合做放题。Service：人手不足得一个年轻女侍应同一个男侍应苦苦支撑成个区域。茶水唔热要点蜡烛，换碟、上菜、收碟全部都系女侍应做，男侍应做辅助。差唔多8至10台客，两个人做，睇得出系踢晒脚。Dining Experience：麻麻哋食物唔得，服务唔够，90分钟好似食快餐咁。最紧要唔好阻人收工，样样嘢塞上嚟。明白公司可能想吸引新客，但无论厨房定楼面，都指向一个结论：做唔到放题。我系因为之前试过呢间餐厅，知道佢平时唔系咁嘅水平；但我朋友第一次嚟，三个字：永不回。建议公司：如果坚持做放题，建议自掏腰包请员工去成功嘅放题餐厅试试，睇吓而家嘅 standard 去到边度，点样可以更加改善。结论:明白公司搞放题系想吸引新客，呢个出发点无问题。但吸引之余，都要顾住质素，唔好因为一时冲动而做坏招牌。我今次会的起心肝写食评，唔系为咗闹人，而系真心想帮大家 make the right decision。我试过，唔代表你一定要试；但至少你可以有心理准备。如果你真系好钟意大闸蟹（母），go ahead。但 if not，真系可以考虑散叫。…查看更多

又嚟到大闸蟹既季节 见到羲和雅苑做大闸蟹片皮鸭放题又点少得我呢个大闸蟹爱好者呢~🦀一嚟到我地就即刻拣好个套餐入面既野食🍚好快就嚟左前菜三色皮蛋，矶煮鲍鱼，蟹粉扒菜胆，片皮鸭同黄金蟹肉炒饭,但就迟迟未见大闸蟹踪影原来第一转大闸蟹都要等20分钟，d蟹嚟到一拎上手知道佢系即蒸，因为真系好辣手依个价钱上大闸蟹都唔会要求好大只，系bb蟹size ，膏唔多但系90分钟放题 要20分钟蒸一转 每人限2只,嚟3转其中有2只疑似死蟹，因为入面d膏系黑色既,即系全程食得4只bb蟹咁既质素大闸蟹放题就差d啰其余套餐入面既野食都ok既，矶煮鲍鱼甜得嚟弹牙;片皮鸭都唔错有鸭香味，上得都好快;黄金蟹肉炒饭做到粒粒分明整体除左大闸蟹差d之外，其余都ok既 但其实唔洗叫佢呢个大闸蟹片皮鸭放题套餐…查看更多

我哋买咗放题之后，因为见OpenRice啲评语咁差，冇乜期望。但去到后觉得管理层可能真系有睇open rice评语，好多食物都改善咗，特别系个炒饭。我哋寻日食嘅时候，粒粒分明，酱汁唔咸。我哋每人最后食咗六只大闸蟹，嚟到嘅时候热辣辣，感受到佢真系蒸返热先攞出嚟。大闸蟹有公有乸，好平均。另外店员都好肯落单，唔觉得佢哋拖，到最尾其实有啲唔够时间食，但我想落多一转佢都肯写单，只系最后我啲朋友阻止我，觉得食唔晒。不过都好认同之前嘅评语，片皮鸭应该唔好做放题，每人一客就算，起码keep得住个招牌，寻晚𠮶啲鸭又多肥膏，皮又唔脆，完全感觉唔到佢系片皮鸭……另外员工全部都超Nice，唔系扮Nice，系打从心底里面想做好件事𠮶一种状态。感受到餐厅好努力想做返好件事。成个海港城都冇乜人行街，寻晚系星期五，真系好荒凉……不过如果餐厅们都可以提升水平，改变大家嘅用餐体验，一定会有更多人肯留喺香港消费。…查看更多

本身好有期望去食book左8点去到 准时落单叫蟹30分钟先上第一轮 tatol得90分钟食 本身都算可叫到3round 一人6只都好。一上枱啲蟹劲细只又污糟 蟹鳃黑色既 啲蟹肉一啲都吾鲜甜 第一次食啲白膏系爽口无味既 奇怪到一个点我同朋友食左一人4只已经吾想再食片皮鸭同其他set内既小菜 普通到无得再普通人头加一收6百几蚊一位😊吾会再帮衬 临走仲要叫左个70蚊杨枝甘露拎走 难食过街边20蚊一碗的 里面得几粒仔芒果几条仔西柚 无西米难食 cp值超低～值得一提就系女staff几nice…查看更多

海港城海运大厦二楼的羲和雅苑，占尽地理优势，落地玻璃外便是流动的维港画卷。这次趁晚市到访，刻意选了窗边位，在无敌海景相伴下体验新派京菜。• 酥皮酸辣汤打破传统的呈现方式，酥皮封碗的设计颇有巧思。揭开酥皮时热气腾腾，汤体酸辣平衡得宜，辣度温润不呛喉，酥皮蘸汤后半脆半软的食感值得一试。• 干隆白菜看似平凡却见功力，白菜脆爽不软烂，麻酱调得浓淡恰好，隐约透出芥末香气，作为开胃菜十分称职。• 义和驰名烤鸭 厨师桌边片鸭时已闻到枣木香气。鸭皮配合各种酱料的组合颇有新意，传统甜面酱卷饼的表现亦稳健，鸭肉柔嫩不柴，饼皮蒸笼持续保温的细节加分。• 张氏狮子头 以位上形式呈现，肉丸炖得松化入味，汤汁清鲜不油腻，送饭一流。• 宫保大虾球 大虾个头饱满，弹牙程度可见新鲜度。宫保汁甜酸微麻，辣度点到即止，更突显虾肉本味。整体而言，羲和雅苑在传统京菜基础上注入巧思，搭配维港日夜皆宜的景致，无论是商务宴请或特别纪念日都颇具吸引力。建议提前预订窗边座位，日落时分的黄金光影会为这餐加分不少。📍羲和雅苑尖沙咀广东道3-27号海港城海运大厦2楼OTE203号舖…查看更多