羲和雅苑

我去咗羲和雅苑食飯，真係好開心。啲環境好優雅，好舒服。菜式好多，真係驚喜。每一樣菜都好好味，啲份量亦都足夠。我最鍾意佢哋嘅片皮鴨，肉質鮮嫩多汁，好味。羲和雅苑嘅菜式真係好多元化，每樣菜都有佢哋獨特嘅風味。我試咗佢哋嘅片皮鴨，真係好好味，肉質鮮嫩多汁，好食。啲甜品亦都好好味，甜度啱啱好，令人回味。而且啲侍應好友善又好專業，服務好貼心。佢哋會問我哋嘅口味同埋喜好，再推介啱啱啲菜式，令我哋好滿意。整體試食體驗好好，我會推介俾我嘅親友。總括而言，羲和雅苑係一間好好嘅餐廳。佢哋嘅菜式多元化，好味，服務好專業。不論係環境定係食物質素都好出色。如果你想食高質素嘅中餐，我極力推介羲和雅苑。期待下一次再去試食。…查看更多

同朋友講起想食片皮鴨，上網見到呢間覺得唔錯就嚟試下。我地一行三人，叫左一個二人套餐Set，分別有一個前菜、兩個主菜、兩個湯、半隻片皮鴨同兩個甜品飲品。個人覺得個套餐都幾抵食。首先上既係湯品，分別係魚肚湯同燕窩羹，魚肚湯有少少失色，主要係仲有啲魚腥味，個人對腥味比較抗拒。至於燕窩羹相比較之下，顯得更為理想，湯頭既鮮味再加上足料既燕窩，相得益彰。前菜揀左黑松露鵝肝，唔知點解我朋友要係中菜館食鵝肝，同預期一樣，無乜特別。主菜係金沙鮮魷魚同埋黑糖排骨，鹹蛋黃炒鮮魷魚非常入味，黑糖排骨少少酸少少甜，所有味道都剛剛好，師傅工架唔錯，值得讚賞。主角片皮鴨，油脂豐富，配搭配菜，一口一塊片皮鴨，爽快。…查看更多

咁岩同朋友2個都想食片皮鴨，咁就試下呢間，記得N年前同家人食過，冇今印象好唔好食，只系記得成間餐廳都好嘈🤣2個人食中餐一定都系難選擇，加上我地有半隻片皮鴨，都食唔到太多其他野先黎片皮鴨既配菜，除左一般配料，最特別有山渣條同爆炸糖🧨最期待既鴨來了，個底有舊野叫做同佢保暖，但似乎都冇乜作用😅 鴨就正常既發揮，唔會話超好食，都唔會差既。黃扒湯浸萵苣第一次食萵苣，爽爽地，幾得意蟹籽闊少炒飯粒粒分明既炒飯，有小小蛋白，海鮮。淡口味得黎係唔錯既，我幾鐘意。…查看更多

「日御謂之羲和，月御謂之望舒。」不論是中午時分的和暖陽光、捲入海浪的黃昏暮光，或是傍晚抱月，都能坐擁海港美景，聽風的聲音。(1) 羲和狀元：片皮鴨需要預留的菜式。比一般店舖選用體態更小的烤鴨，沒有殘留太多葷味，而且皮滑肉嫰。食法也千奇百怪，分開三個部位：鴨胸皮、鴨胸肉及鴨腿肉。可以配搭不同的醬料，傳統食法有甜麵醬、青瓜條和京蔥絲。新式食法有藍莓醬、山楂條和紫洋蔥。肉質雖嫰，但欠缺烤鴨風味。當配上薄餅，主角烤鴨頓時變了配角。薄餅的溫度、口感也是中規中矩。(2) 羲和榜眼：黃扒魚肚原材料有有機南瓜、二十八頭花膠，混合魚/雞湯不斷提煉、摒除雜質，帶綿滑順喉的效果。花膠肉質略嫌不夠厚身，多番過濾反而影響本身的質感。另外，上半層的口感的確入口順滑，但下半層沉澱後較流質，整體味道有偏差。(3) 羲和小肉餅餅皮與肉碎層層壓實，捲製後烤至蘇脆。陳醋可自由添加，減低油膩。這個菜式我會稱為「失而復得小肉餅」。原本被告知已賣光，但詢問另一位店員時，告知小肉餅在製作中，才得以品嘗。🫰🏻某部分的座位飽覽整個海景，但環境氣氛屬於喧鬧，亦有店員容許小朋友四處亂走，打擾雅興。個人認為菜式上有自家特色及創新，但未屬一試難忘。…查看更多

今日去試下羲和雅苑片皮鴨太耐冇食過片皮鴨啦….好期待我地坐卡位，成間餐廳都幾靜，可以慢慢食同傾計！我地叫左一個炒飯，蠔餅松露煎蛋，小肉餅同埋半隻片皮鴨松露蠔仔蛋太濕，唔夠乾身脆，但味道係唔錯，炒飯就炒得夠乾身，但整體配料都較少！跟住就到今日既主角—片皮鴨出場職員都有介紹每碟可以用咩配料，醬汁會夾啲，但我地最後都係自由配搭就算，爆炸糖同藍莓醬我覺得普普通通啦，冇話非常特別，個鴨皮係幾香口嘅，頭個2，3塊，但再食多啲就感覺到油膩我地再叫左個小肉餅， 中間嗰支棍仔係有喼汁俾你點落去嘅，食落去都香口，好似餃子咁，最後叫埋個薑汁紅棗桃膠唔好食,薑汁味太重好辣，嗰個份量好細，但入邊太多紅棗，想用匙羹飲一兩啖糖水都好困難，羹羹都有紅棗。環境係舒適，但食物可以再好啲！…查看更多

有海港城coupon, 最鍾意嚟呢度食片皮鴨有得望海，又有高汁片皮鴨，有靚景睇又有好嘢食記最開心。冇得去旅行，喺呢度食嘢，都可以望海放鬆一下。趁住天氣仲涼涼地，可以坐戶外，咁啱我哋早食，大約6點入坐飲杯嘢，再食飯，仲可以睇埋日落.片皮鴨⭐️⭐️⭐️⭐️⭐️鴨既唔同部位，有唔同食法，侍應會逐一介紹食法，唔記得都唔洗驚，餐牌上有寫除咗爆炸糖，我最鍾意山楂"啫喱"條，同啲片皮鴨包埋一齊食，去除油膩感，更開胃。.金莎鮮魷魚⭐️⭐️⭐️⭐️又脆又香濃，有鹹蛋黃香，但又唔會太鹹，最緊要唔會油淋淋山楂骨 ⭐️⭐️⭐️⭐️ (一上枱就被搶食，相機冇得食）開胃，小朋友送飯👍…查看更多

係海港城又有海景的地方，周圍環境都好舒服，一點多去到，最後一張枱比2個人捷足先登，唯有等下一輪兩點半，想像不到的是，收費不菲既呢類型店係食時段，而且都幾多人食，所以提一提大家，最好預先book咗先，或者喺大家行街前去到攞位先！環境方面: 要求高咁講，有些少凌亂，我相信疫情下人手不足，有啲餐枱係正廚房門口，的確有啲影響服務方面: 落單的同事都好盡責去介紹片皮鴨的食法，非常好，:)都對每個客人有求必應，要影相，加水，我見到都好一流，只係門口的，感覺有少少面色，但各人感覺不同。😌食物方面: 全部都有好decent 嘅presentation, 本人對於片皮鴨的味道同滿足同預期一樣，爆炸糖片皮鴨好有趣，鐘唔鐘意就好個人😂不過鴨皮真係好脆！少肥！唯獨是對片皮鴨的第二食有少少失望 —> 豆腐炆鴨湯，好不幸地部份豆腐變酸了🙁，好在無肚痛，食材的新鮮程度/ 處理過程令人擔心…查看更多

呢間都幾難book難就難在要打得通個電話🤣我打咗3日先終於打得通最後book咗星期日嘅八點菜式方面，當然重點係片皮鴨！佢哋嘅鴨唔使我多講多形容睇相都知道有幾好食肉分咗三個部位配返唔同嘅醬料同配菜當中我最鍾意嘅配搭係鴨胸配mustard比起傳統嘅甜醬冇咁膩黑松露鵝肝多士都好正鵝肝炸得啱啱好，外脆內軟豬手都好好食好香荷葉味但菜花就還好，炒得唔夠乾身肉包就係比相吸引咗但可能前面啲嘢食太好食就顯得有啲平凡同埋食一舊就覺得好飽🤣總括依然都會再嚟用埋海港城卷埋單都係每人300內抵食！…查看更多

第一次光顧，當日中午12點許到店，顧客不算多，店員帶領到落地玻璃旁的位置，看過對面港島，香港的CBD盡入眼簾。一看餐牌，午市套餐價錢百多元一人份，包括頭盤，湯，主食（四選一，選擇咗泡飯），甜品，抵食而且味道唔錯！另加咗半份片皮鴨 $228，配料充足，種類亦豐富，上枱時店員好詳盡解釋3個部位的鴨應如何配搭，值得一讚👍🏼…查看更多

#片皮鴨 #貴價中菜 建議預先訂枱，因為平日下午茶時間都要排隊，等咗25分鐘～前枱職員也很忙碌，態度一般( ^っ_ඉ )環境舒適，對住維港海景～茶位$20/人，另收+1服務費現在有午市套餐，為了使用海港城折扣券所以只能選正價餐牌( ᐡ•̥ •̥ᐡ )‬今日吃的全部食物都比較清淡，喜歡濃味的朋友可能另外加鹽#烤鴨 一隻 $598分開了三個部位，最喜歡鴨胸，肥美的鴨皮充滿鴨油香➴ෆ⃛沾點藍莓果醬配爆炸糖意外地配搭～另有青瓜、洋蔥🧅等片皮鴨拼盤配料#張氏獅子頭 #獅子頭 $48一粒大大的肉丸配細細碗白飯，肉丸好林淡淡地幾好食，已經唔識形容咩味道，有少少中藥味😂#羲和小肉餅 $58@ 4 件熱辣辣炸過的肉卷，口感像實心的麵包...怪怪的，不適合我口味服務質素：5/10環境舒適度：8/10ᶘ ᵒᴥᵒᶅ個人口味評分：7/10…查看更多

等左5分鐘就有位，當時不用book位服務態度幾好，上菜夠快，服務員會講解食片皮鴨食法。但食物質素就麻麻，完全配不上這個價錢。只能夠講，隨左服務態度好、環境好，其他都麻麻地。食一次夠了，唔會再去。…查看更多

有d菜色就係一餐飯的重點，係「一件事」，食片皮鴨就係「一件事」。呢件事係一個人做唔黎的，一定要約班朋友（個人覺得最少都四個人）,而且好食的片皮鴨餐廳一般都要訂位，好似呢間羲和雅館咁，一直想食但又冇咁神心去訂台，所以遲遲都冇試過，直到呢次疫情，終於唔洗book台可以walk in食啦。講開呢間餐廳,環境就真係一流，裝修現代而且間隔合適，每枱都有自己一個合適的空間，岩晒鍾意唔會同人迫的人。另外就係中餐一般俾人印象就係好嘈，因為除左人聲好大之外，杯碟碰撞聲都真係會令人心煩意亂，但呢d都冇係呢間餐廳出現，值得一讚。片皮鴨相信好多人都食過，所謂的一鴨四食近乎都係千篇一律，不外乎就係鴨湯，片皮，抄鴨肉絲，整埋個抄飯，唔係話唔好，物盡其用又食得飽你，但其實除片皮外果三食都係沒有特色平平無奇咁。但呢間的一鴨四食就真係估佢唔到，因為佢竟然片皮都佔左三食（拿，你可以話佢取巧，但事實人地又真係整到出黎俾你三種完全唔同的體驗）例牌鴨就係你面前切，佢切得唔算快，但唔係因為刀功唔好亦唔係俾時間你打卡，而係剛才講的要片皮都有三種食法所以個切法又同其他片皮鴨唔同，唔講咁多又睇下張成品圖先啦！由左至右有三種唔同的片皮，最左果邊係大家最常食到的皮連肉（事實上應該都同大家食開的有唔同，因為佢皮肉油脂比例她靚，只用脾肉）而另外兩款就係鴨胸肉同鴨皮，食的次序由最右開始食到最左，頭兩款不用皮來包，但食法配的醬汁都真係好唔同。最後一食係咩呢？估你唔到竟然係炸鴨骨，第一次食到，開頭以為冇乜肉有乜好食，但原來骨炸到脆連少少肉，食落香口唔油，送酒真係一流。其他小菜都很出色，特別要講隻雞翼，能夠幾麥芽糖完全煮到汁的狀態真係好花功夫，而且唔會死甜，雞翼亦有先炸過，真係要趁熱食，食過返唔到轉頭。食飯飯聚，係呢個時勢真係變得好奢侈，所以揀岩朋友揀岩人的，一定係要搵間好食的餐廳食下。…查看更多

是日約咗朋友去海港城, 海港城人內開咗一個新嘅部份.北京填鴨係我嘅至愛, 聽人講呢間羲和雅苑有新嘅 食法所以就去試一試. 呢間餐廳位於最遠嘅新角落. 由於填鴨要等五十分鐘所以就落咗先. 餐廳內裝修古色古香, 環境唔錯仲有一個無敵維港景遠望icc. 點園專門介紹填鴨嘅食法, 有爆炸糖食法, 把鴨胸皮沾上藍莓醬再點上 爆炸糖. 呢個食法令有爆炸脆皮感. 但係我最鍾意都係另一早食法就係芥末醬配上鴨脾. 其次仲有山楂取代傳統醬汁嘅食法.百年醬肉肥而不膩配上夾膜食, 比起扣肉更好. 留意到有個韮香雞, 都幾特別所以一試. 韭菜蔥辣椒芝麻油醬油加上半隻雞, 食落雞唔柴有芝麻香同少少辣 叫咗一客張氏獅子頭, 一個迷你嘅獅子頭店員 送上一個迷你嘅白飯, 跟指示將二者合而為一, 獅子頭肉質鬆軟. 最後還有一個牛油蝦伊麵, 蝦球大粒伊麵底.最後紫薯燕窩蛋白有金箔面作結. 呢間餐廳位於海港城新舖分嘅最遠處,景觀不俗, 奉勸大家唔好低估咗片皮鴨, 其實都會飽飽哋.…查看更多

鴨分了3份上碟 先來淨皮然後鴨胸(皮較少肉為主)最後就是傳統片皮鴨鴨烤得唔錯皮的確係好香脆但皮脂偏厚 較肥膩 有點太油膩的感覺淨皮建議食法是配紅梅醬同爆炸糖啅頭野實際就好玩麻麻地好食鴨胸就配秘製芥末醬芥末醬好正 其實配咩肉都會好食😂最後一款才配傳統的青瓜蔥同海鮮醬包起食或可包山楂條同洋蔥包皮非常薄身有韌度 偏硬了一點創意心思就夠哂但我都係鐘意傳統片皮鴨唔使搞咁多花臣我反而較喜歡這裡的前菜 推薦蜜汁脆芋絲芋絲條好幼好脆 蜜汁好似麥芽糖咁 黏黏的可以做到拉絲幾過癮黑椒椒鹽炸粟米亦正 夠蒜香又脆口惹味口水雞好重花生令醬汁過份杰身太厚太膩麻味亦偏重 味道缺乏層次金銀蛋浸萵筍唔係經常會食到 萵筍超爽口全海景餐廳預左價錢不便宜但最後埋單每人約2百幾蚊 比想像中抵食想去個靜靜地坐得舒服有景觀的中菜館可以考慮一試…查看更多

食得多其他國家嘅菜式，久不久梗係要撐中菜啦！ 係海港城LCX再行入d個頭開嘅餐廳越來越多，一年多前食過意大利餐，今晚就決定黎食我久違了嘅片皮鴨😎自成一角樂趣多🚧，就算只係二人前，都坐得好闊落。金沙海王扒白玉絕對係我今晚嘅最愛菜式！豆腐軟滑，配以淡淡嘅鹹蛋黃、仲有鮮甜嘅元貝粒、日式蟹籽。帶有fusion嘅創新，食落真係有衝動叫個靚仔嚟送口🤗海蜇頭都值得推介，作為好冷盤小食，坊間一般都係得普通海蜇，但好明顯口感同海蜇頭梗係有差異啦！海蜇頭本身無味，所以醬汁搭配好重要，更顯師傅嘅功架👍🏻松露蠔蛋，幾樣濃味配料撈埋增添層次，惹味提鮮。誰也不搶誰的風頭！最重要係炒蛋晤會因為要煮熟隻蠔而炒得過老，火候鑊氣都一百分💯講咗咁耐，又點可以晤提我哋嘅主角啊！兩個人就叫咗半隻片皮鴨淺嘗😈 上菜嘅時候已經好有宮庭式大排筵席嘅氣勢，每一個步驟、食法都好講究！先食1️⃣ 鴨胸皮2️⃣ 鴨胸肉配師傅秘製醬汁3️⃣ 鴨脾肉（先建議連包皮一齊食）而輪盤上就有各式各樣嘅配料-> 紫洋蔥、山渣片就係比較西式嘅食法，亦都唔少得有中式傳統京蔥口味。我個人就鍾意乜都試新野，貪心嘅我哋每樣試暈，我就最鍾意山楂夾皮嘅食法，酸甜醒胃！正🤗金銀蛋萵筍，家常小菜通常都會加上莧菜，但唔講唔知萵筍嘅營養特別豐富，細切成絲咬落非常爽口，湯頭飲落鮮甜🤤芥末蝦球賣相精緻，芥末醬有住錦上添花嘅作用，有種甜酸苦辣共冶一爐之感。如果可以汁醬另上會更加好，因為我地無即上枱即食，所以略嫌個汁醬影響咗個香脆感👉🏻👈🏻眼闊肚窄系列🤦🏻‍♀️ 男朋友驚半隻鴨唔夠食，所以叫多咗隻韮香雞。但原來之前嘅份量已經好足夠，食到尾真係捧住個肚🙄甜品係另一個胃，以滋補甜品桃膠作結。我覺得自己個肚今晚好幸福啊😎🎈呢到環境清靜，無論商務午宴、抑或要同好耐冇見嘅知己良朋飯聚，都不失為一個好選擇🤘🏻…查看更多