韓脈 (帝國中心)

营业中

休息中

放假食好西，到尖沙咀韓脈食韓燒。呢晚去到坐滿晒人，有情侶拍拖，亦有一大班人慶祝生日，氣氛好熱鬧，見到每枱客人除咗燒肉都有點醬油蟹，我都跟住點一隻試吓點菜後送上多碟餐前小菜及鐵板蛋餅，非常有誠意醬油蟹爆曬膏，將佢大大力擠晒啲肉出嚟，撈埋送嘅有隻生雞蛋嘅紫菜飯，真係冇得輸食韓燒最鍾意飲米酒，點咗一支再用戰鬥碗飲，一個字爽！燒肉方面點左特級牛肋骨同豬梅頭，呢度特色係燒肉唔需要自己動手，有店員代勞，專業手勢，燒完出嚟兩款都充滿蕉香同肉汁，食得特別滋味最後加埋葛根拌冷麵，味道少少辣好開胃，麵條清爽煙靭，幾飽都要食晒佢😆