雪山冰廳

营业中

休息中

聽講雪山冰廳喺長沙灣開左分店，咁啱又同朋友經過就入左去食。深水埗果間之前食過晚餐，印象唔錯，今次就食午餐。上次食過芝士焗波士頓龍蝦海鮮飯超足料超正，今次就試下其他野，特別想試南洋咖喱。於是就同朋友叫左檳城叻沙海南雞米線、焗南洋咖喱吉列豬扒飯同埋經典芝蛋牛肉漢堡包。焗南洋咖喱吉列豬扒飯︰咖喱香辣足料，蛋超滑，豬扒炸得好脆，但係唔會食到成口油，而且D炸粉唔厚。經典芝蛋牛肉漢堡包︰漢堡扒好厚，蛋有半熟流心既效果，芝士融融地咁，好正，小心唔好太大啖，好熱！檳城叻沙海南雞米線︰香辣，正！一食落口就食到香濃既叻沙味，但又唔會太辣，我自己唔算好食得辣都ok，仲飲左好幾啖湯底添。海南雞好滑，唔錯。唔錯既餐廳，去開長沙灣既大家不妨一試。