影片
更多
2022-01-04
276 浏览
服務👩🏻🍳🤢食物質素差都算 我當每人口味不同 但貴經理服務態度差到貼地 淨係個經理差 其他都正常嘅 以下附上貴經理卡片一張 為保障貴經理私隱已遮蓋電話後2位數字 卡片為貴經理主動給予我們並主動提出可到貴司網站反應事源：我同朋友共8人一齊入去食 因疫情關係分開左右2張台坐 1台4人 每台叫4個餐 每台各自落order 其中一台落完單後過左大約5-10分鐘左右 有位名”HEI HO”嘅經理行過黎講：你地2台無得分單 因為你地一開始話8人 一齊入餐廳 我地依家做緊主菜買一送一優惠 除非你地4個坐去餐廳另一邊 我就比你地分單 我地廢事佢係食物中「加料」所以等食物上齊後再同經理理論 我地每台各自食自己台叫個4個餐 個經理驚死我地會貪平特登度過價錢先叫 如果我地為左平先叫 就唔會分開落單 我地唔知隔離台叫左邊幾款主食 證明左我地唔係為左貪平 分單純粹方便自己台 4人夾錢比錢最後本身朋友提出如果叫多一次分單埋單 經理接受的話 我地就息事寧人 可惜貴經理態度強硬 話我地一半人坐去餐廳另一邊就可以分單 咁我想問下貴經理 如果我地分開你可以分單 咁理論上我地2台又真係分開坐 各自食各自點嘅餐 咁分開坐同
食物質素差都算 我當每人口味不同 但貴經理服務態度差到貼地 淨係個經理差 其他都正常嘅 以下附上貴經理卡片一張 為保障貴經理私隱已遮蓋電話後2位數字 卡片為貴經理主動給予我們並主動提出可到貴司網站反應
事源：
我同朋友共8人一齊入去食 因疫情關係分開左右2張台坐 1台4人 每台叫4個餐 每台各自落order 其中一台落完單後過左大約5-10分鐘左右 有位名”HEI HO”嘅經理行過黎講：你地2台無得分單 因為你地一開始話8人 一齊入餐廳 我地依家做緊主菜買一送一優惠 除非你地4個坐去餐廳另一邊 我就比你地分單
我地廢事佢係食物中「加料」所以等食物上齊後再同經理理論 我地每台各自食自己台叫個4個餐 個經理驚死我地會貪平特登度過價錢先叫 如果我地為左平先叫 就唔會分開落單 我地唔知隔離台叫左邊幾款主食 證明左我地唔係為左貪平 分單純粹方便自己台 4人夾錢比錢
最後本身朋友提出如果叫多一次分單埋單 經理接受的話 我地就息事寧人 可惜貴經理態度強硬 話我地一半人坐去餐廳另一邊就可以分單 咁我想問下貴經理 如果我地分開你可以分單 咁理論上我地2台又真係分開坐 各自食各自點嘅餐 咁分開坐同分單有咩直接關係令你態度如此強硬 依家唔係無錢埋單 係原則問題 我地計過即使係分單 貴司收取費用總額不變 加上你身為服務性行業 貴經理的確提供十分惡劣嘅餐飲體驗比我地8人
另外我朋友想用餐廳提供嘅紙巾抹嘴 發現只有濕紙巾 然後一攞起手發現係上一台用剩嘅濕紙巾包裝袋 疫情下餐廳衛生嚴重不佳
‼️ ‼️ ‼️ 飲食業 食物質素佔一半比例 服務態度佔餘下一半比例‼️ ‼️ ‼️
食物🍽
由於我無記錄低隔離台食咩 亦唔清楚佢地食乜 所以只提供我自己個台嘅4款食物
西班牙海鮮飯 原價盛惠$228
首先真係唔似西班牙海鮮飯嘅味 仲要偏咸同整得好濕 未講得上難食但絕對唔係好食 不過我唔知我係食緊海鮮飯定飯焦 因為食完之後成個碟都係飯焦 海鮮唔新鮮 好咁你話你買一送一 做優惠價 我可接受轉低質素嘅食材 但絕對唔係比曬啲死蜆死青口 唔彈牙又縮水縮到勁細嘅魷魚 講真我去超市買急凍海鮮都無咁難食
烤斧頭豬扒 原價盛惠$252
煮到過熟 熟到一切就變曬肉鬆一粒粒咁 食落好柴好乾 名副其實嘅「well done」豬排 餐廳名係The Salted Pig 但啲”Salted” Pig 一啲味都無 仲當做招牌菜賣真係世界級 配菜（薯條同煙肉粒）味道仲好食過所有主菜
蒜辣欖油大蜆肉意粉 原價盛惠$168
意粉煮得太耐 完全無曬口感唔掛汁 口感仲衰過茶餐廳意粉 汁就一浸味腥味 加埋啲死蜆 食完一啖完全唔想食 178你比碟咁細碟又難食嘅意粉我 你當自己係法國餐廳？
煎海鱸魚海鮮燴 (半份) 原價盛惠$198
魚肉鬆散 皮肉分離 腥味十足 分量不足
我半價食塊薄過5mm嘅魚扒都不了
我作為一個細食嘅女性都覺得就算食曬都唔會飽
最後加一服務費後8人以$1158結帳
张贴
