啊睿泰

第一次食評就俾咗呢間新開泰式餐廳
好難得喺香港食到正宗泰國菜嘅味道

泰式黃咖喱大頭蝦
睇落個醬好紅，以為好辣。點知食落去甜甜地送飯一流。

泰式黃咖喱大頭蝦

鴨肉生菜包
平時食開嘅係豬肉生菜包，呢間餐廳就特別d用左鴨肉，食落去除咗平時豬肉生菜包嘅味道口感之外，仲多咗一個脆脆嘅口感。原來廚師將鴨皮炸到酥脆！幾有驚喜！

泰式蝦醬炒飯
炒飯最重要嘅係飯唔會過濕。而呢個炒飯就做到乾得嚟都有返少少嘅濕潤。飯經過喉嚨唔會有不適感。每一啖都有淡淡蝦醬味配合，非常之惹味！

泰式蝦醬炒飯

最後食埋個泰式糯米飯，暖笠笠嘅糯米配上凍凍地嘅芒果，完美！