雞翼山 (T.O.P This is Our Place)

营业中

休息中

平時我經過旺角雞翼山見到有顧客吃得津津有味，都好想試下。今日有時間便入去買些回家給媽媽吃。我留意到店內牆上和宣傳品有雞翼山得獎的資訊，此店咁受歡迎相信味道一定不錯。估唔到雞翼都可以有咁多款口味，fusion之餘也有本地原素，真有創意。九款雞翼，各有特色，真係難取捨。計有文青風玫瑰雞翼，黑松露武士雞翼，黃金鹹蛋黃雞翼，港式咸檸七雞翼，宮崎南蠻他他雞翼，泰式冬陰酸辣雞翼，原味脆香雞翼，港式避風塘蒜香雞翼，濃厚櫻花蝦蝦醬雞翼。最後揀左一set12隻3款雞翼加飲品，只係$128，抵食。港式咸檸七雞翼甜甜酸酸好味道，皮脆肉嫩。黃金鹹蛋黃雞翼鹹香脆口極邪惡，好食到停唔到口。港式避風塘蒜香雞翼香，麻辣有風味，最好用來送啤酒。氣泡桃橙茶清新，甜度適中。下次再試埋其他款 。