雞翼山 (T.O.P This is Our Place)

經過雞翼山～見到套餐A$48，就買左黎食～簡左文風青雞翼、海苔肉鬆雞塊、炸燒賣和檸檬茶。文風青雞翼的外皮炸得金黃酥脆，裹上特製的玫瑰醬，散發出淡淡的花香。咬下去後，雞肉的嫩滑和玫瑰香氣交織在一起，好食。本身係好鐘意食雞翼～可惜個餐得2隻😭唔夠喉。而海苔肉鬆雞塊，雞塊外層裹滿了海苔和肉鬆，炸至金黃，口感外脆內嫩。海苔的鹹香與肉鬆的鬆軟相得益彰，但對比雞翼～就真係雞翼出色好多好多好多～。炸燒賣則是一道經典的港式小吃，外皮炸得酥脆，不過不失。…查看更多

雞翼全部單骨好出色好方便，亦都有好多唔同既味道選擇，但係份量略為少左dd，太好味所以一下就食晒，完全唔夠食。推薦港式避風糖蒜香雞翼，有炸蒜粒，整體係超級正既！！…查看更多

雞翼山d雞翼真係好好食非常出色同有誠意熱辣辣出爐醬汁均勻又唔會得少少食過其他主打雞翼嘅餐廳真係好一般呢間就多口味得黎款款都係咁好食非常推薦我最鐘意他他醬同埋韓式芝士味不過由於佢新鮮出爐都要d時間等下先有得食…查看更多

📍雞翼山其實原本唔諗住食, 不過次次去旺角見到aka經過雞翼山都會忍唔住入去買咗幾嚿雞返去💸😭好heavy好邪惡但係就係忍唔住想食, 尤其事係本身好鍾意食雞翼(車仔麵其中一樣餸一定係雞翼😹)❣️黃金鹹蛋黃雞翼❣️文青玫瑰雞翼雖然次次好想試下西檸酸甜味, 不過就係唔知點解每次最尾都係嗌返咸蛋黃同玫瑰味😹next time~ 咸蛋黃好足料, 依間真係數一數二我食過咁足咸蛋嘅舖頭( 雖然聞落去會香到有少少膩 🤏🏼) 一咬落去就係滿滿嘅起沙咸蛋黃粒 oishii🫶🏻✨好鬼邪惡👿但係好滿足😭啲肉都好juicy, 絕對唔係啲好乾嘅雞肉🍗玫瑰味雖然係有玫瑰嘅蜜糖🍯但係講句廢話食落去真係好有玫瑰香, 但係又唔係嗰種好假嘅味✨may be因為有玫瑰花瓣✨🌹 💰53 (6件*2款口味)…查看更多

突然好想食炸雞，但係旺角啲韓國炸雞又唔抵食，平時鐘意食嗰間CHIMAC旺角又冇分店🥹醒起早排喺The T.O.P落車見到有間專食雞翼嘅小鋪—雞翼山喎，於是決定外賣自取番屋企食。小妹第一次幫襯雞翼山，店舖口味款式多，主打文青風玫瑰口味，連外賣包裝袋都係玫瑰🌹～但小妹未夠膽嘗試玫瑰🌹，於是乎揀咗比較保守啲既味道—西檸🍋酸甜😎［半翼半槌系列］有4件雞翼及4件雞槌，合共8件（份量即係有四隻雞全翼），一路拎住返屋企、一路散發出好香西檸炸雞香味，迫不及待快啲返屋企開嚟食😋一盒雞翼嘅份量都好多吖！食雞翼當然用手食㗎啦，每盒雞翼都附兩包包裝精美的膠手套，方便愛用手食雞翼的小妹❤️西檸酸甜汁醬多，好彩有揀呢隻味，小妹越食越滋味，雞肉質地嫩滑外皮炸得香脆！不過帶到返屋企就變軟身了，如果即場食一定香脆可口非常好食🤤！原本淨係出動左手食雞翼，而家都要帶埋右手手套，左邊一隻翼、右邊一件槌，簡直係人間天堂🤩🤩西檸味真係好似酒樓食嗰啲西檸雞咁，食到舔舔脷、差喲啜晒手指（仲用緊手套嘛😏），非常值得再encore喎🤭下次叫埋大班朋友上嚟屋企一齊share其他口味先🥳🥳🥳…查看更多

雞翼真係百吃不厭。而雞翼山係雞翼界嚟講都算係出名，唔想食正餐又想醫吓肚，於是乎就叫咗6隻雞翼2款口味，今次揀咗玫瑰味同埋和風甜山葵蟹籽，另外再加咗個邪惡嘅咸蛋黃薯條！落單後因為雞翼係即叫即整熱辣辣，大概等5-10分鐘就可以拎了。而店舖亦有少量位置可以坐低食，甚至無位都可以立食嘅！店員有提供埋手套，方便直接無儀態咁用手食雞翼！不過雞翼真係太熱，直接用手拎都會辣親，都係攤一陣先會好啲，咁就惟有食啲薯條先！但原來薯條一樣係咁熱辣辣，而家佢嘅咸蛋黃醬係一啲都唔孤寒！每條薯條都沾滿流沙嘅口感，滿足度十足！雞翼方面係正常發揮，雞翼炸得香脆，但仍然保留肉質嫩滑，配上甜甜玫瑰蜜嘅味道，真係食到lam lam脷，好彩有手套提供，唔係就食到成手痴淋淋。而和風甜山葵就比較普通，因為都係撈咗個醬就比客人自己點，而個醬都係山葵溝蛋黃醬，就略嫌無驚喜，只恨自己揀錯款！但整體黎講都係十分之出色，啱晒鍾意食雞翼嘅朋友！…查看更多

旺角出名多嘢食，喺地鐵站附近有間雞翼山，入面大概8至10人嘅位可以坐，今日好想食雞翼，於是就坐低嗌咗一份自己嘆🤭🔖玫瑰雞翼（$43）兩件雞中翼加兩件雞鎚玫瑰雞翼係必嗌，買完之後大概5至10分鐘就有得食，想講真係超級熱辣辣🤣🤣必須要攤凍一陣先食得，賣相吸引，加咗啲玫瑰花瓣喺雞翼上。雞翼咬上去每一啖又脆又Juice，係連雞翼入面嘅肉都有味道🫶🏻Menu上有好多口味可以揀職員會問你要叉定係手套，事後諗諗吓叉係方便啲，因為啲雞翼實在太熱啦😂…查看更多

旺角 📌【 雞翼山 】旺角彌敦道700號 T.O.P. This is Our Place 地下14號舗🎶 燒雞翼 ... 我自細鍾意食🎶 坐車去旺角成日經過呢間【 雞翼山 】尋日早收工，特登過嚟旺角買外賣雞翼 🍽️大鄉里嘅我，唔知道原來有部機可以自助落單 😆 呢度嘅雞翼多達10款，糾結咗一陣，我決定揀 Top.1【 文青玫瑰雞翼🌹】& 人氣【 黃金鹹蛋黃雞翼 🐤】我揀咗 $53 共六件 🤎【 雞翼山 】雞翼即叫即整，製作約 10分鐘，全部新鮮熱辣辣，名副其實做到外層脆皮香口，內層肉質嫩滑多汁 😋🌹文青玫瑰雞翼先欣賞沾滿蜂蜜嘅雞翼，點綴著一片片玫瑰花瓣，散發著陣陣玫瑰花香，香甜清新，不甜不膩，而且好有口感，怪不得之係 Top one，超喜歡唷🌹🐤 黃金鹹蛋黃雞翼 鹹蛋係我嘅超級鍾意嘅東東 🧡 呢個沾滿黃金鹹蛋黃嘅雞翼，莎莎口感，滿口都係濃郁鹹香嘅蛋黃醬，完全係邪惡爆曬燈 ! 令人有一吃再吃的失控感。 痴線 🔥 勁好食 • 勁好食 • 勁好食🔥🔅 總括而言，【 雞翼山 】係我食過最好味嘅雞翼 🤎 如果話【 雞翼山】可能係世界上最好食嘅雞翼↝相信也不誇張 🤭 仲有好多特別嘅口味，我都好想試 ↝ 期待回訪 🩵#雞翼山 #燒雞翼 #旺角美食 #旺角中心 #鹹蛋黃 #玫瑰花 #不要儀態…查看更多

呢度嘅雞翼唔係加咗好多炸漿個種，表面少少香脆，又唔會太油膩。味道就有好多款可以選擇！$128 / 12 隻 +飲品<三款口味>⭐️文青風玫瑰雞翼係三款味道之中最好食！玫瑰蜜糖包圍住全隻雞翼，甜甜地之餘仲有玫瑰花香味！煎炸過嘅雞翼，即使加咗蜜糖依然脆脆地！⭐️宮崎南蠻他他雞翼沙律醬較為普通，他他醬裏的配料也比較少，少了一點日式感覺⭐️港式避風塘蒜香雞翼加咗好多炸蒜，不過覺得辣度有少少掩蓋咗蒜香味…查看更多

這家的雞翼口味款式多，加上味道出色，會讓人想再度光顧。✨避風塘雞翼尖（15件，$38）比超級多炸蒜，超正，味道夠辣，呢個小食配酒Very Good！✨雞翼雙拼（$53）✨山葵蟹籽雞翼（3件）山葵蟹籽係一個醬汁，將炸雞翼點一點醬，會食到淡淡唔太辣既Wasabi味道，蟹籽既鮮味。✨避風塘蒜香雞翼（3件）避風塘蒜香味道很重，喜歡吃辣的人不要錯過，推薦這個給你。✨鴨屎香檸檬茶（$23）最近手搖潮流都是手打檸檬茶，鴨屎香的味道比較獨特，喜歡檸檬茶的人可以試一下。…查看更多

Tea time過去食一份雞翼，地理位置方便👍🏼雞翼好好味，本身想比9分，但環境窄 張櫈細 坐得唔太舒服，所以扣左少少分😂除左堂食，其實可以外賣返屋企，或者拎去聚會 同屋企人同朋友一齊分享，都係個唔錯嘅選擇♥️👉🏼 文青風玫瑰雞翼 $43雞翼面頭加左食用玫瑰，好靚呀 打卡一流😍仲有啲蒜蓉沈咗喺面，食落脆，雞翼熟嘅程度啱啱好，啲肉好滑同入味，外皮食得出係加左蜜糖，所以鹹中帶點甜，外脆內軟，回味無窮，好正！…查看更多

近日，我意外發現了一間美味絕倫的雞翼店，我們分別點了文青玫瑰雞翼與避風塘蒜香雞翼。這兩道特別口味的雞翼不僅口感鮮嫩多汁，更給人一種意想不到的驚喜。無論是成人還是小朋友，它們都是下午茶和小吃的絕佳選擇🌸🌹首先，文青玫瑰雞翼給人一種視覺上的享受。這道雞翼以獨特的玫瑰花香調製而成，每一塊雞翼都裹滿了濃郁的粉紅色花瓣醬汁。咬下去時，肉質細嫩多汁，並帶有淡淡的花香味，讓人彷彿置身於花海之中。這道雞翼的烹飪技巧獨特，使得其表皮酥脆，內部卻保持著極佳的嫩度。無論是成人還是小朋友，都會被這道與眾不同的美食所吸引。🌟另一方面，避風塘蒜香雞翼則展現了港式風味的經典之作。這道雞翼經過特殊的醃料浸泡，使得肉質更加入味。每一塊雞翼上都裹著濃郁的蒜香醬汁，散發出誘人的香氣。咬下去時，外皮酥脆，內部肉質鮮嫩多汁，並且充滿了大蒜的香味，給人一種滿足感。這道雞翼的風味經典而不失創新，無論是成人還是小朋友，都能夠品味到中式美食的獨特魅力。🩵無論是下午茶還是小吃時刻，文青玫瑰雞翼和避風塘蒜香雞翼都是理想的選擇。它們不僅滿足了人們對於美食的渴望，更給予了味蕾和心靈的雙重享受。無論是成人還是小朋友，都能夠在品味這兩道美味的同時，感受到食物帶來的愉悅和滿足。🎈總結起來，文青玫瑰雞翼與避風塘蒜香雞翼是一對令人驚艷的雞翼美食🥰它們不僅擁有獨特的口味和精湛的烹飪工藝，更能夠滿足成人和小朋友對於美吃的需求。文青玫瑰雞翼以其粉紅色花瓣醬汁和淡淡的花香味，為人們帶來視覺和味覺的雙重享受。而避風塘蒜香雞翼則以其濃郁的蒜香醬汁和酥脆的外皮，展現港式美食的風味。這兩道雞翼都能夠滿足大家對於美食的追求。…查看更多

今次食咗三隻味🍋🍯檸檬蜜糖🍳 🍗鹹蛋黃🇯🇵 🆕章魚燒小食：🍤蝦多士飲品：🍋 鴨屎香檸檬茶自己❣️🍗排名：🥇🍋🍯檸檬蜜糖🥈🍳🍗鹹蛋黃🥉🇯🇵🆕 章魚燒🍋🍯 外層包裹住滿滿嘅蜜糖汁但唔會感覺死甜/漿住喉嚨有一整塊嘅🍋做點綴如果🍋汁可再加強 咁會更香胃🍳🍗 鹹蛋黃炒到沙沙嘅口感好足蛋黃香氣得嚟又唔會太邪惡唔會令你食完一啖之後就停咗喺度 而係會繼續食冇咗個種太油膩嘅口感🆕🇯🇵 章魚燒嘅木耳碎俾得好足醬汁都非常豐富 但就冇上面嗰兩種咁驚喜但如果鍾意食小丸子嘅人應該會好鍾意 其實我都係fans ❣️🍤🍞蝦多士呢個真係做到一啖一口份量係¼嘅一半😂😂炸完之後都充滿肉汁沙律醬係偏甜 分量慷慨呢個有驚喜😌😌😌🍋鴨屎香檸檬茶有得揀中杯或者大杯呢個好似都係水打 要咗少甜少冰對於我嚟講 茶味都幾突出❣️可以自己選擇每隻口味要幾多隻 或者有party size …查看更多

個日剛剛做完 facial ，去買d小食番屋企食😍😍第一次食雞翼山，買咗3隻避風塘雞翼同3隻芥末蟹籽雞翼，仲加咗黑松露薯條😋😋入去可以用點餐機點餐，方便使用，由於即叫即整，所以係等緊期間去咗買珍珠奶茶😂😂大約15分鐘就有得拎，外賣包裝整潔，個盒好實淨，膠袋設計精美，拎番屋企都好方便。搭咗2個站地鐵番屋企，食物仲熱辣辣，裝雞翼的外賣盒入面有兩格，所以叫雙拼味的雞翼唔會撈埋一齊，可見店舖十分貼心，避風塘同芥末蟹籽味雞翼都好好食呀😍😍避風塘味唔太辣，好惹味，仲有 d 脆脆係鋪係面，好足料，而芥末蟹籽雞翼，係分開醬上，食個陣自己撈埋去，個醬有好多蟹籽，芥末味適中，好夾雞翼。兩隻味共6隻雞翼都大大隻，咬落口不油，皮脆肉滑，下次會再試其他味。而黑松露薯條32蚊大大盒，呢個整法係黑松露粉撈落去薯條，薯條係粗身，每條粗薯條都沾滿黑松露粉，十分香口，最後係食唔哂 d 薯條，要留番晚餐食🤣🤣…查看更多

行開附近有少少口痕，便叫了黃金雞球淺嚐。雖然這家店以雞翼出名，因為我不想用手吃，所以揀咗雞球，更方便。黃金雞球的鹹蛋黃味道十分濃郁，而且均勻地覆蓋在肉上，肉質也保持了有肉汁。裡面似乎加了一些孜然粉，讓味道有些微妙的變化，頗有新鮮感。另外，值得一提的是這家小店裡面還有一些座位，讓我們可以坐下來慢慢享用，值得一讚。…查看更多