榮哥廚房私房菜

营业中

休息中

一直都好想試私房菜，今次經朋友推介黎左觀塘隱世工廈榮哥廚房私房菜！果然無介紹錯，餐廳色香味俱全，完全岩哂我地一家的口味！店員值得讚讚，好客有禮，好加分！一坐底店員就會端上你所選的茶同小食，小食係木耳同甜酸齋，可以過過口隱先！前菜一碟三款，擺相好細緻精美，分別係本地水耕種爽口沙律菜拌芝麻醬、雙色墨魚仔同茶燻流心蛋伴黑魚子醬厚切茄子！沙律菜因為係本地耕種所以好新鮮，墨魚仔有辣有唔辣，同樣爽口，厚切茄子的魚子醬好惹味，流心蛋小小煙燻味，好夾！湯有兩款選擇，包括原盅燉哈密瓜螺頭黑毛豚肉湯同原盅燉川貝陳皮海底椰鱷魚肉湯！我選左川貝陳皮海底椰鱷魚肉湯，湯的份量好足，完全飲到肉的鮮甜，好順口唔油膩！蝦球水芙蓉，貌相同樣吸引，蒸蛋白上面會有一層南瓜芡汁，再鋪上一隻大蝦球！黑松露醬炒花尾躉班球配鮮露荀，班球大大塊去哂骨好貼心，黑松露味岩岩好，唔會搶左魚本身的味道，而露荀好新鮮爽甜！遠年新會陳皮黑豚肉排骨，排骨火喉掌握好好，唔會炸到肉好實，排骨一咬陳皮味就充斥住口腔，好特別！荷香蟲草花牛肝菌蒸沙欄雞，份量好多，雞肉超級嫩口，仔細睇仲會見到有個雞頭，證明係成隻雞煮哂比你！魚湯有機時令鮮蔬，第一次食甘嫩綠的西