集眾菜館

营业中

休息中

堅正的粵式小菜，book咗七點半都要等一陣先入得，全場爆滿，真係唔book位都唔港洗指意walk in食得到。我哋叫咗4個餸，買四個都好多好食。黃金豆腐粒外層又薄又脆，裡面又軟又滑。脆皮炸大腸脂肪比較少，外層炸得好脆，而且d豬大腸都幾乾身，點甜酸醬，邪惡但好味。川椒豬手嘅豬手唔係炆到淋晒嗰種，而係保留豬手嘅彈性兼一d都唔韌，雖然叫川椒但係只係少少辣，整得好入味。咕嚕肉差唔多枱枱都有叫，真係好食，佢個質感做得好好，炸得黎又食到豬肉嘅軟熟，唔係一味硬或者一味軟。