潮興隆

营业中

休息中

📍港島隱世地道粉麵店！牛肚河+炸豆腐必試🤤 銅鑼灣搵食又多個選擇！今次發現咗一間街坊大推嘅粉麵小店，雖然門面低調，但食物水準絕對驚喜～ 晚掃枱試咗多款招牌菜，飽到上心口！ 而且呢度除咗親民食物之外更加會有鹵水鵝潮州翅等等嘅特色菜🌟 五香牛肚河 牛肚滷得超入味，咬落爽彈唔韌！湯底帶淡淡藥材香，河粉滑溜掛湯，加埋店家特製辣椒油，香辣惹味到想飲晒成碗湯！ 🔥 紫菜四寶河 真·足料之選！ 墨魚丸彈牙爆汁、手打肉丸充滿胡椒香，魚皮餃同扎肉份量多到驚喜～ 紫菜湯底清甜，飲完唔會口渴，配埋油菜芥蘭平衡下，滿足感爆燈！ 💥 小食雙霸 ▪️普寧炸豆腐：外脆內嫩似豆腐花！蘸埋韭菜鹽水，潮州風味即刻出晒嚟～ ▪️蝦棗拼粿肉：炸蝦棗外層酥脆，咬開滿滿蝦肉粒，粿肉香口帶微微甘香，真材實料！ ✨ 隱藏彩蛋：韭菜豬紅鮮味爆發，豬紅滑嘟嘟無腥味，傳統風味重現～ ⚠️ 溫馨提示：凍檸茶係傳統茶記風味，茶底濃到失眠人士慎入～ 熱檸水就正常發揮，建議留肚試特色菜式！ 總括嚟講，呢度嘅粉麵同炸物完全唔輸大牌檔，晚市唔使排長龍仲有卡位坐，好適合同班朋友嚟掃街式聚餐！下次想試埋佢哋嘅牛腩同魚皮～