花旗參石斛燉雞
一上枱就聞到濃濃花旗參香！湯料超足，有齊花旗參、石斛同半隻雞，飲落甘甜潤喉，燉雞肉質腍到一夾就散，絕對係誠意之作。
焦糖脆皮拔絲叉燒
全晚最驚艷！拔絲效果靚到唔捨得食～叉燒肥瘦適中，外層甜脆，內裡軟嫩，蜜糖香唔會死甜，食多件都唔膩！
古法蝦子柚皮
而家好少地方食到嘅懷舊菜！柚皮完全去清苦澀味，炆到入口即化，加上滿滿蝦子鹹香，帶淡淡海鮮味，功夫十足！
荔蓉蝦多士
荔蓉綿密又Creamy，蝦多士炸得金黃酥脆，但一啲都唔油膩，蝦肉彈牙，配搭恰到好處。
瑤柱炒桂花
粉絲芽菜炒得乾身又夠鑊氣，瑤柱絲同蛋碎均勻分布，鹹香惹味，。
黑松露瑤柱蛋白炒飯
飯粒分明乾爽，黑松露香氣濃到撲鼻！瑤柱同蛋白增加口感，炒得夠鑊氣又唔油膩。
豬油渣炒菜苗
菜苗翠綠爽嫩，豬油渣香脆惹味。
黑糖冬瓜牛奶桃膠
甜品同樣出色！桃膠煮到軟滑，黑糖冬瓜甜而不膩，牛奶香滑，滋潤又解膩，為呢餐畫上完美句號。
