過橋麵檔

营业中

休息中

得朋友介紹下入元朗嚟搵食，朋友講到個霸王雞飯好神！我就信佢一次黎試吓，事實原來真係好有驚喜！一上枱覺得好大碟，冇諗過份量咁多，諗住咪又係白切雞菜飯，朋友叫我試咗先再講，點知食一入口真係唔同😱平時食快餐嗰啲係雪藏雞，肉質鞋又冇乜味，呢度出乎意料之外好嫩滑而且好有雞味！個豉油唔太咸小小甜，送飯啱啱好，唔太油！上面一啲炸蒜好香脆，蔥絲切得均勻，撈埋啲豉油再送飯勁惹味開胃！雖然菜飯可能太多水煮得少少爛，但每粒飯都滲左啲小棠菜菜汁，都算可以！下次再嚟我諗我買一隻雞返去同屋企人分享就滿足了！因為真係高質！