8號冰室

营业中

休息中

朝早去開灣仔，諗起佢嘅蒜蓉多士，所以特登嚟呢度早餐。蒜蓉厚多士係佢嘅特色食品，一般餐廳都係求其俾塊牛油多士你，有d甚至烘都唔烘，俾塊牛油方包就算。但呢間餐廳除左蒜蓉牛油，仲烘到啱啱好個面有少少燶嘅脆口程度，蒜蓉味又夠，入口鬆脆又夠香，啱曬我呢d蒜蓉愛好者。炒蛋正常無特別驚喜。雞扒米粉免費轉蕃茄湯底，蕃茄湯底有埋鮮茄肉，偏酸。唯一敗北係雞扒無分碟另上，直接浸落碗蕃茄湯度，令到原本脆皮嘅雞扒浸到淋曬，影響曬入口口感，嚴重扣分。