8號冰室

叫左個咖喱海鮮炒飯，碟炒飯細碟又炒得吾似炒飯，個膠碟仲要係裂嘅。收錢有個大叔勁冇禮貌，問係咪可以支付寶比錢，問左2次先答可以，佢部機擺到勁入，然後指下就要人哋知佢叫我做咩，原來叫我伸自己部機入去比自己個QR code佢部機scan, 咁嘅設計真係第一次見。正常係你拎部機scan人哋個code,吾係叫我伸隻手入去你收銀勁入個位去scan lor, 仲要手指指人哋就要知你要我點做。香港飲食業啲聲譽就比呢啲餐廳搞衰曬。…查看更多

這間其實比較會在中下午時間才會去，剛好都是下午茶時間去，那時候人不算很多，座位都算大，就是比較中型的店舖，服務普通，水吧出的奶茶茶味比較重，那次點了雜扒飯，那些扒基本夠熱，飯都夠熱，汁反而是另外上桌，比較少見。其實點下午茶就比較多，都是即叫即做，比較偏向炒粉飯類，份量都可以，如果不知道吃什麼，簡單吃吃可以去試試。店名：8號冰室。地址：灣仔天橋附近。費用：中位。#漢淩萬墨 #漢淩萬墨美食 #漢淩萬墨探店 #漢淩萬墨出沒 #探店日常 #探店 #美食 #瓹窿瓹罅 …查看更多

一早起身諗住食豐富早餐，二個$ 45 三餸辛辣麵(+$6)，凍飲加$3 = $54，首先等咗15分鐘，唔知點解搞咁耐，跟住佢用出前一丁，加辛辣麵粉，煮錯咗，冇諗過茶餐廳嘅水吧，係唔識分別出前一丁同辛辣麵。再等，求其掉個辛辣麵去煮咗一陣，硬到食唔到，味粉一碗1.5包，另一碗0.5包，一碗就鹹辣到過晒籠，一碗就冇味。好啦，個麵硬到食唔到叫佢再煮，佢就一嘢全部餸掉晒落去煮，隻煎蛋熟到離晒譜，漢堡扒唔知煮到似乜，午餐肉煮到腍晒，基本上搞到成pet嘢食唔到。分別同夥計，高級夥計，老闆講過呢件事，全部人反應係，喺度哦哦哦，知道知道⋯⋯一個早餐等咗半個鐘頭以上，成碗麵擺咗喺度，老闆，伙記都覺得冇問題，唔係要你免費請我食早餐，起碼都比一啲正常嘅反應，或者會去跟進，今時今日仲可以用咁嘅態度，咁嘅質素，咁嘅價錢去做飲食生意。Sorry 唔會有下次。…查看更多

今日點了一份充滿鑊氣的「乾炒牛河」加$10升級「薄荷朱古力」，感受最地道的港式下午茶。 🍝 **乾炒牛河** 一上桌就聞到濃郁的鑊氣！河粉炒得條條分明，不會過油，牛肉嫩滑不柴，最驚喜是加入銀芽增加爽脆口感。醬油均勻包裹每條河粉，鹹香中帶微微焦香，完全是小時候的味道。 久違的邪惡感🍫 **薄荷朱古力** 因為下午茶餐$48,覺得可以加$10升級！朱古力濃郁順滑，薄荷清新不嗆喉，甜度偏甜，在悶熱的下午特別醒神。 …查看更多

這間餐廳的整體用餐體驗令人非常失望，從踏入店門的一刻起便感受到服務人員態度冷漠、生硬，完全缺乏基本的禮貌與親切感，令人感到被忽視，毫無賓至如歸的感覺。座位安排方面也相當不理想，空間狹窄，坐位擁擠，加上座椅不舒適，用餐過程令人難以放鬆，更談不上享受餐點。餐廳內冷氣系統亦未能發揮應有功效，空氣悶熱、流通不良，使整個環境顯得壓逼，進一步削弱了顧客的舒適感。至於餐點本身，雖然定價偏高，但食物質素卻遠未達標，無論是味道、賣相或份量都不值其價，完全不符期待。綜合而言，這次的用餐經歷不僅令人失望，更讓人覺得花了冤枉錢，不推薦有意前往的人士考慮此地。希望店方能正視並改善上述問題，以免繼續流失顧客。…查看更多

很久沒有到來灣仔，整條洛克道都改變很多，繁忙飯市過後，打算是但求其吃，於是見這間冰室門面招牌幾架勢，於是打算走入去吃個下午茶⋯⋯餐牌都幾多選擇，還有有趣燈泡奶茶，真可愛。見餐牌下午茶有迷你乾炒牛河，話說看一個㕑房的乾炒牛河如何，就知那餐廳質素如何，依啲都係睇電視覺番嚟，未必如此。迷你乾炒牛河~味道竟然淡淡的，好像多水炒過，味道真的怪怪哋⋯⋯牛肉質地有點鞋，總之就沒有乾炒牛河的神韻，在肚餓的時候也覺得麻麻地，真係有很多進步的空間。整體來說可能筆者選擇錯誤，或許另一個餐會好些。…查看更多

今朝又去食早餐， 去到灣仔考慮緊食邊間， 之後經過呢間冰室， 門口見到入面早餐唔錯， 就試一試， 叫咗個醒神扒餐配雞扒米粉， 在加錢要多條腸仔， 見佢入面原來唔係普通多士而係蒜蓉多士， 食物未嚟到之前有啲期待雞扒米粉嚟咗， 雞扒有用黑椒， 食落都可以， 米粉正常茶餐廳味道🙂🙂感覺呢間嘅腸仔都唔錯， 所以見到枱枱都嗌腸仔😋😋最緊要當然係好少餐廳見到嘅蒜蓉厚多士， 食落都幾好味， 真係好厚身蒜蓉味好香， 即刻加分🥰🥰下次經過都會再嚟食， 大約50蚊左右🤑…查看更多

晚飯叫個揚洲炒飯，啲飯炒完出嚟濕立立，食唔到有咩鑊氣都算，食食下仲要食到紅腸嘅味道，先發現呢間餐廳將啲紅腸切到細細粒扮晒叉燒，我就真係食咁多年揚洲炒飯未試過有餐廳咁肉酸用紅腸扮炒燒，真係你食埋我嗰份，唔會再嚟食野。…查看更多

每天早餐公司員工必叫之店，8仔的早餐比午餐更出色。餐蛋治，雞蛋有牛油，滑蛋有奶味，烘底也烘得很好。價錢相宜，hkd30 有野飲。而且1個餐都送 另外，三文治的蛋和餐肉夠大，抵食…查看更多

$39 下午茶芝士火腿三文治上菜後呆咗！未見過三文治塊包咁薄！又唔夠熱融塊芝士完全唔係餐廳應有嘅水準亦唔係$39應有嘅水準食空氣咁有圖有真相千萬不要幫襯係我食過最垃圾的餐廳…查看更多

又到一年一次要去灣仔食早餐的日子，大家估下點解要來灣仔，還要一大清早坐地鐵·來。Anyway，上年來過這邊附近的地方食早餐，今年又是時間試新食市。到了8號，早餐的多士有surprise 蒜蓉厚多士係幾有特色的，當然是好熱氣的，因為兩面都有烘。如果可以即叫即烘，效果一定會更好吃。用心機想出多一個元素，都已經十分好了。唔知點解灣仔的多士早餐，家家都有亮點:)［想知道上一年我去過那一家試多士早餐，要看回之前寫的食評才知道了。］今次的彩蛋便一定是加了錢的奶茶…查看更多

這間是公司食堂之一，今天午餐有酸菜魚，決定試試看。本身8號冰室的例湯沒有味精，非常推薦。至於主角酸菜魚，55元有4-5塊魚，還有很多酸菜，肉也不少，已經覺得很滿足。湯的味道也很足。至於薯粉就比較普通，還好而已。如果在灣仔來說，算是這樣。…查看更多

我嚟到呢度呢叫咗 香煎味極豬扒飯 上到嚟係斬件嘅炸豬扒件， 店員話呢度所有扒類， 雞翼雞髀都係炸嘅。 就算香煎都係炸。 之後我改為瑞士汁雞髀腸仔飯 佢話需要耐啲 喺香港食一間快餐茶餐廳 一個佢哋8號推介飯餐 瑞士汁雞髀腸仔飯需要30分鐘。可惜 上到枱個雞髀仍然係冰凍， 味道當然係冇味，依家香港人應該唔會食到啲什麼好味嘅快餐 茶餐廳都只不過係三餸飯嘅堂食版呢間垃圾茶餐廳自行決定 會唔會幫襯呀我1pm落第一個order, 坐到1點55分. 我都未食到呢嗰個茶餐廳快餐恐怖做衰飲食業…查看更多

約到巴士迷朋友黎灣仔上車，一早已經約好要食8號冰室，好lucky，今日有卡位坐。今次我地專登試炒麵，掙紮左一陣，決定單叫埋招牌8號黃金西多士～8號黃金西多士$36完全唔會後悔，因為真係好和味，唔需要自己倒蜜糖，已經非常濕潤，很易入口！自己一個食就太不健康，兩三個朋友開心share最好！XO醬雞扒炒公仔麵$42豉椒牛肉炒河$42雖然係下午茶餐，但非常有份量，絕對食得飽，加上唔會只係得幾舊肉！巴士迷朋友比我識食，佢就話XO醬雞扒炒公仔麵比較惹味。8號冰室門面雖然岩慚啲，不過野食真係幾好味，呀叔呀姐嘅態度又幾好，簡直係窮人恩物。…查看更多

放工經過灣仔，想求其搵d野食，見到8號冰室無咩人唔使等位，試咗佢哋嘅蔥油雞翼煎蛋飯同冬陰功雞扒米線。蔥油雞翼煎蛋飯：食落好親切，雞翼煎得香脆，同蔥油飯一齊食，唔會太油膩，好開胃，令人食完想再嚐。冬陰功雞扒米線：呢碗米線湯底濃郁，帶啲微辣味，雞扒煎得啱啱好，清爽唔油膩，食落好過癮，令人胃口大開。8號冰室嘅菜式好道地茶記，咩都有。希望餐廳可以繼續保持呢種獨特風格，同時推出更多驚喜嘅菜式。期待下次再嚟，試吓更多其他野食。…查看更多