豊勝手丼 (已結業)

今日老公同我預祝生日，近排香港環境太難預計，搵到一晚安全地黎銅鑼灣食飯已經好好。這店位於銅鑼灣，地點方便，又係地鋪，平日夜晚都多人。餐牌:前菜 北寄貝沙律我地點左自選丼飯，最少選三款，我地揀左四款，因為真係好想食海膽，哈哈!丼飯上場，超正! 有紫雲丹，日本雲丹，大吞拿魚腩，蟹肉。 我最喜愛既海膽，成板上，開心到不得了。 海膽鮮甜，大吞拿魚腩入口即溶，口感非常好。 另外見時令推介，點左原條秋刀魚刺身，師傅刀功好，切得靚又擺得靚，同個醬汁好夾。其實我又好鐘意食壽司，見到原來佢地有，又點啲黎試下，由左至右:吞拿魚，劍魚腩，池魚 油甘，真鯛，左口，加拿大海膽赤貝，帶子魚類好肥美，帶子亦鮮甜，其實除左丼飯出色，壽司一款咁掂，十分滿意既一餐!