雞煲唔使額外加錢就可以揀花膠雞煲，花膠大大塊，軟腍腍入味朔晒雞煲啲醬汁，雞煲亦晒惹味。
接下來一定要講佢就活海鮮拼盤，初初揀呢間都係見佢既海鮮組合好啱小編嘅口味，同時睇落好新鮮，事實上，亦都冇照騙😂
海鮮全部都非常新鮮，有齊龍蝦、鮑魚、帶子、海蝦、海蟹、生蠔，當中鮑魚仲識要郁。
海鮮放喺蕃茄粟米湯湯底入面，更突出海鮮嘅鮮甜，肉質結實，非常好味。
除此之外佢哋嘅手切安格斯牛、牛頸脊亦都非常新鮮，肉味濃，最尾食到好飽都要再encore
手打蝦滑同黑松露墨魚滑都要嗌，食到淡淡蝦味同墨魚味，夠晒彈牙。
另外不得不提呢度非常貼心，所有食物都可以嗌全份或者半份，啱晒鍾意食唔同嘢嘅小編，每樣嗌少少，啱口味先再嗌大份啲都冇問題，唔會造成浪費👍
整體以旺區來講，價錢唔算貴，仲有得食生猛海鮮、雞煲同靚牛肉，推薦！
